मुख्यमंत्र्यांचा दौरा:मुख्यमंत्री उद्धव ठाकरे आज अमरावती, औरंगाबाद दौऱ्यावर, समृद्धी महामार्गाची करणार पाहणी

मुख्यमंत्री उद्धव ठाकरे हे आज शनिवार 5 डिसेंबर 2020 रोजी हिंदू ह्रदयसम्राट बाळासाहेब ठाकरे महाराष्ट्र समृद्धी महामार्गाची पाहणी करणार आहेत. या दौऱ्यात ते अमरावती आणि औरंगाबाद जिल्ह्यातील महामार्गाच्या कामांना प्रत्यक्ष भेटी देणार आहेत.

असा असणार मुख्यमंत्र्यांचा दौरा

मुंबई-नागपूर समृद्धी महामार्ग हा राज्य सरकारच्या महत्त्वाकांक्षी प्रकल्पांमधील एक प्रकल्प आहे. एकूण 710 किलोमीटरचा हा द्रुतगती महामार्ग असणार आहे. जवळपास 56 हजार कोटी रुपयांचा खर्च यामध्ये लागू शकतो. या महामार्गामुळे मुंबई-नागपूर हा प्रवास अवघ्या सहा तासांत करणे शक्य होणार आहे.