आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

दाऊदच्या मालमत्तेचा लिलाव:दिल्लीच्या दो वकिलांनी खरेदी केल्या अंडरवर्ल्ड डॉनच्या 6 मालमत्ता, वडिलोपार्जित बंगला केवळ 11 लाखांत विकला गेला

मुंबई25 दिवसांपूर्वी
  • कॉपी लिंक
  • 2018 मध्ये दाऊदच्या 3 मालमत्तांचा लिलाव झाला होता

स्कालर्स अँड फॉरेन एक्सचेंज मॅनिपुलेटर्स (SAFEMA)अंतर्त अंडरवर्ल्ड डॉन दाऊद इब्राहिमच्या 7 पैकी 6 मालमत्तांचा मंगळवारी लिलाव झाला. या निलामीनंतर एकूण 22 लाख 79 हजार 600 रुपये जमा झाले आहेत. सफेमाचे कलम 68F, वॉन्टेड आरोपी आणि त्याच्या परिवारातील सदस्य आणि नातेवाईकांच्या मालमत्ता संलग्न करण्याचा अधिकार प्रदान करते. कोविडचा प्रादुर्भाव पाहता साफेमाने व्हिडिओ कॉन्फ्रेंसिंगद्वारे या लिलावाची प्रक्रिया पूर्ण केली. आज एकूण 17 मालमत्तांचा लिलाव झाला, त्यापैकी 7 मालमत्ता दाऊदच्या आणि एक फ्लॅट इक्बाल मिर्चाचा होता.

दिल्लीतील दोन वकिलांनी दाऊदच्या 6 मालमत्ता विकत घेतल्या

मिळालेल्या माहितीनुसार, दिल्लीचे रहिवासी असलेले वकील अजय श्रीवास्तव यांना दाऊदच्या दोन मालमत्ता आणि वकील भूपेंद्र भारद्वाज यांना 4 मालमत्ता मिळाल्या.

दाऊदची 4, 5, 7, आणि 8 क्रमांकाची मालमत्ता भूपेंद्र कुमार भारद्वाज यांनी खरेदी केली आहे. तर 6 आणि 9 क्रमांकाची मालमत्ता वकील अजय श्रीवास्तव यांनी विकत घेतली आहे. तांत्रिक कारणांमुळे दाऊदच्या दहाव्या क्रमांकाची मालमत्ता लिलावात ठेवली नव्हती. या मालमत्तेच्या सीमेबाबत काही तरी वाद होता.

दाऊदचा वडिलोपार्जित बंगला केवळ 11 लाखांत विकला गेला

साफेमाचे तपास अधिकारी मुनाफ सय्यद यांच्यानुसार, रत्नागिरीच्या खेडमध्ये दाऊदच्या एकूण 13 मालमत्ता होत्या, त्यातील 6 चा लिलाव करण्यात आला. या मालमत्तांची अंदाजे किंमत 80 लाख लावण्यात आली होती. रत्नागिरीतील दाऊदचा वडिलोपार्जित बंगला केवळ 11 लाख 2 हजारात विकला गेला.

आज लिलाव झालेल्या मालमत्तांमध्ये खेड तालुक्यातील मुंबाके गावातल्या जमिनीच्या तुकड्याचा समावेश होता. यासाठी राखीव किंमत 1.38 लाख ठेवण्यात आली होती. याशिवाय एक जमीन आणि त्यावरील दोन मजली बंगल्याचा देखील आज लिलाव झाला. यासाठी पाच लाख रुपयांची बेस प्राइस ठेवली होती. पेट्रोल पंपाच्या नावावर घेतलेल्या जागेचा लिलावही करण्यात आला आहे.

2018 मध्ये दाऊदच्या 3 मालमत्तांचा लिलाव झाला होता

1993 च्या बॉम्बस्फोट प्रकरणात नाव आल्यानंतर 25 वर्षांपूर्वी भारत सरकारने दाऊदच्या अनेक मालमत्ता जप्त केल्या. 2018 मध्ये साफेमाअंतर्गत दाऊदच्या नागपाडा येथील रौनक अफरोज हॉटेल, डांबरवाला बिल्डिंग आणि शबनम गेस्ट हाऊसचा लिलाव झाला होता. त्यानंतर दाऊदची बहीण हसीना पारकर हिचा फ्लॅटचाही लिलाव करण्यात संस्था यशस्वी झाली.