राज्यात मोदी आवास घरकुल योजना सुरू करणार:मागासवर्गीयांसाठी 3 वर्षांत 10 लाख घरे बांधणार, महिला नोकरदारांसाठी 50 वसतिगृहे

22 दिवसांपूर्वी

कॉपी लिंक

राज्यात मोदी आवास घरकुल योजना सुरू करण्याची घोषणा अर्थमंत्री देवेंद्र फडणवीसांनी केली आहे. या योजनेंतर्गत येत्या 3 वर्षांत राज्यात इतर मागासवर्गींयासाठी 10 लाख घरे बांधण्यात येतील. या योजनेसाठी 12 हजार कोटी राज्य सरकार उपलब्ध करून देईल, अशी माहिती देवेंद्र फडणवीस यांनी दिली.

3 लाख घरे पुढील वर्षी बांधून पूर्ण होणार

देवेंद्र फडणवीस यांनी सांगितले की, सर्वांसाठी घरे या पंतप्रधान मोदींच्या संकल्पनेनुसार राज्य सरकारही महत्त्वाकांक्षी कार्यक्रम हाती घेत आहे. राज्यातील ग्रामीण भागात 10 लाख घरे बांधण्याची सरकारची योजना आहे. यातील 3 लाख घरे हे पुढील वर्षी 2023-24 मध्येच बांधून पूर्ण होतील. यासाठी 3 हजार 600 कोटींचा निधी उपलब्ध करुन देण्यात येईल.

शहरी भागात महिलांसाठी 50 वसतिगृहे

पुढे देवेंद्र फडणवीसांनी सांगितले की, शहरी भागातही आता स्थलांतरीत महिला नोकरदारांचे प्रमाण वाढत आहे. मात्र, शहरात त्यांच्या निवासाची सोय नसते. त्यामुळे शहरी भागात महिला नोकरदारांसाठी 50 वसतिगृह बांधण्यात येतील. त्यामुळे महिलांची मोठी सोय होईल.

PM आवास योजनेत यावर्षी 4 लाख घरांची बांधणी

देवेंद्र फडणवीसांनी सांगितले की, पंतप्रधान आवास योजनेत यावर्षी 4 लाख घरे बंधून पूर्ण करण्यात येतील. यातील अडीच लाख घरे ही अनुसूचित जाती, जमातींसाठी असतील. दीड लाख घरे इतर प्रवर्गासाठी असतील.

रमाई आवास योजनेतून दीड लाख घरे बांधणार

देवेंद्र फडणवीस यांनी सांगितले की, रमाई आवास योजनेसाठी यावर्षी 1100 कोटींची तरतूद करण्यात आली आहे. या योजनेतून दीड लाख घरकुल बांधण्यात येतील. यातील किमान 25 हजार घरे मातंग समाजासाठी असतील. शबरी, पाधरी व आदीम आवास योजनेत 1200 कोटी खर्चून एक लाख घरे बांधून देण्यात येतील. यशवंतराव मुक्त वसाहत योजनेत मुक्त-विमुक्त जाती जमातींसाठी 25 हजार घरे बांधून देण्यात येतील. यासाठी 600 कोटींचा निधी उपलब्ध करुन देण्यात आला आहे.

अर्थसंकल्पाशी संबंधित बातम्या

LIVE महाराष्ट्राचा अर्थसंकल्प:राज्यात मराठी भाषा विद्यापीठ स्थापन करणार; ज्योतिर्लिंगांच्या विकासासाठी 500 कोटींची तरतूद

केंद्राप्रमाणे राज्य सरकारही देणार शेतकरी सन्मान निधी:वार्षिक 12 हजार रुपये मिळणार, केवळ एका रुपयात पीक विमा

महात्मा फुले जन आरोग्य योजनेची मर्यादा 5 लाख:जाणून घ्या- यंदाच्या अर्थसंकल्पातील आरोग्यासंदर्भातील महत्त्वाच्या घोषणा

अंगणवाडी-आशा सेविकांच्या मानधनात वाढ:लेक लाडकी अभियानासह फडणविसांनी केल्या 'या' महत्वाच्या घोषणा

नव्या महामंडळांना प्रत्येकी 50 कोटी:अर्थसंकल्प मांडताना देवेंद्र फडणवीसांची घोषणा, कल्याणकारी योजनांसाठी खर्च होणार

देवेंद्र फडणवीसांनी अर्थसंकल्पात मांडले 'पंच अमृत':शेतकरी, महिला, गुंतवणुक, रोजगार, पर्यावरणपूरक विकास यांचा समावेश

बातम्या आणखी आहेत...

अ‍ॅप उघडा