भाजपची नवी खेळी:सावरकरांचा मुद्दा पुढे करून देवेंद्र फडणवीस उद्धव ठाकरेंना घेरण्याच्या तयारीत

उपमुख्यमंत्री देवेंद्र फडणवीस यांनी 'वीर सावरकरांचा' अवमान केल्याचा मुद्दा लावून धरत उद्धव ठाकरे आणि महाविकास आघाडीला घेरण्यास सुरुवात केली आहे. या रणनीतीनुसार भाजप 30 मार्च ते 6 एप्रिल दरम्यान राज्यातील सर्व 288 विधानसभा मतदारसंघात 'गौरव यात्रा' काढणार आहे.

उपमुख्यमंत्री फडणवीस यांनी त्यांच्या सोशल मीडिया अकाऊंटच्या डीपीवर सावरकरांच्या फोटोसह 'आम्ही सारे सावरकर' असे लिहून आपली आक्रमकता व्यक्त केली आहे.

शरद पवारांची भूमिका संतुलित

महाराष्ट्रात ‘वीर सावरकरां’बद्दल सहानुभूतीचे वातावरण असल्याने राष्ट्रवादी काँग्रेसचे अध्यक्ष शरद पवार या मुद्द्यावर संतुलित भूमिका घेत आहेत. माजी मुख्यमंत्री उद्धव ठाकरे यांनी थेट राहुल गांधींविरोधात वक्तव्य केलं आहे. वीर सावरकरांचा अपमान सहन केला जाणार नाही. ठाकरेंच्या या वक्तव्यानंतर काँग्रेस प्रदेशाध्यक्ष नाना पटोले आणि काँग्रेस विधिमंडळ पक्षनेते बाळासाहेब थोरात उद्धव ठाकरेंविरोधात उघडपणे बोलणे टाळत आहेत.

मोहित कंबोज यांचा शाब्दिक हल्ला

फडणवीस यांचे निकटवर्तीय भाजप नेते मोहित कंबोज भारतीय यांनी दिल्लीत राहुल गांधी यांची भेट घेऊन सावरकर प्रश्न सोडवण्यात मग्न असलेले खासदार संजय राऊत यांच्यावर शाब्दिक हल्ला चढवला आहे. त्यांनीही त्यांच्या डीपीवर वीर सावरकरांचा फोटो लावला आहे.

संजय राऊतांना आव्हान

भाजप नेते मोहित कंबोज भारतीय यांनी उपमुख्यमंत्री देवेंद्र फडणवीस यांच्या वतीने संजय राऊत यांना आव्हान दिले आहे. संजय राऊत यांच्यात हिंमत असेल तर 'मैं भी सावरकर'चा डीपी यांनी त्यांच्या सोशल मीडिया अकाउंटवर लावून दाखवावे. गेल्या अडीच वर्षांत महाराष्ट्र झुकणार नाही, असे वारंवार सांगणाऱ्या राऊतांनी आता राहुल गांधी आणि काँग्रेसला त्यांची औकात दाखवण्याचे काम करावे. राऊत यांना हे आव्हान देत मोहितने राहुल गांधींना इटलीत जन्मलेले म्हणत त्यांच्यावर टीका केली.