आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

महत्त्वाची माहिती:संभाव्य तिसऱ्या लाटेच्या पार्श्वभूमीवर महाविद्यालये सुरू ठेवायची की ऑनलाईन? उद्या निर्णय- उदय सामंत

20 दिवसांपूर्वी
  • कॉपी लिंक

राज्यातील वाढत्या कोरोना रूग्णांच्या पार्श्वभूमीवर राज्यात पुन्हा नव्याने अनेक निर्बंध लावण्यात आले आहे. यामुळे वाढती रूग्णसंख्या लक्षात घेता राज्यातील महाविद्यालये सुरू ठेवायची की नाही याबाबतचा निर्णय उद्या दुपारी 4 वाजता घेतला जाणार आहे, अशी माहिती उच्च आणि तंत्र शिक्षण मंत्री उदय सामंत यांनी दिली आहे.

उदय सामंत यांचे ट्विट

मुंबईतील नववीपर्यंतच्या शाळा पुन्हा बंद

मुंबई महापालिकेच्या हद्दीत 10 वी व 12 वीचे वर्ग वगळता इतर सर्व माध्यमाच्या शाळा प्रत्यक्ष बंद ठेवण्यात येणार आहे. विद्यार्थ्यांचे शिक्षण ऑनलाइन पद्धतीने सुरू ठेवण्याचे आदेश काढण्यात आले आहेत.

कोरोनाची लाट ओसरली असल्यामुळे शाळांच्या घंटा पुन्हा वाजल्या होत्या. मात्र, मुंबईमध्ये कोरोना आणि ओमायक्रॉनची रुग्ण संख्या वाढत आहे. यामुळे मुंबईमधील सर्व शाळा पुन्हा एकदा बंद करण्याचा निर्णय घेण्यात आला आहे. मुंबई महानगरपालिकेचे आयुक्त इक्बाल सिंह चहल यांनी ही घोषणा केली.​​​​​​

राज्यासह देशभरातील कोरोना संक्रमितांमध्ये वाढ होत आहे. राज्यात इतर जिल्ह्यांच्या तुलनेत मुंबईत कोरोना रुग्ण सर्वात जास्त आहेत. या पार्श्वभूमीवर हा निर्णय घेण्यात आला. देशभरात कोरोनामुळे गेल्या 24 तासांत 123 रुग्णांचा मृत्यू झाला आहे.

दरम्यान, देशात करोनाच्या अॅक्टिव्ह रुग्णांची संख्या ही वाढून 1,45,582 एवढी झाली आहे.

बातम्या आणखी आहेत...