चांदीचे भाव घटले:भारतात आठ महिन्यांत 41.5 पटींनी वाढली चांदीची आयात

भारतात या वर्षी चांदीचा वापर सुमारे ८०% ने विक्रमी उच्चांकावर जाण्याची अपेक्षा आहे. या वर्षी फक्त ८ महिन्यात चांदीची आयात ४१ पटीने वाढवुन ६,३७० टन झाली. त्यामुळेच लंडनपासून ते हाँगकाँगपर्यंत बुलियन ट्रेडर्सच्या वॉल्टमध्ये चांदीची इन्व्हेंटरी कमी झाली आहे. सप्टेंबर अखेरपर्यंत लंडनच्या वॉल्ट्समध्ये चांदीची होल्डिंग्स घटुन २७, १०२ टन राहिली, ते २०१६ नंतर सर्वात कमी आहे. लंडन बुलियन मार्केट असोसिएशन (एलबीएमए)च्या मते, भारतियांनी २०२० आणि २०२१मध्ये चांदीची सर्वात कमी खरेदी केली होती. कोरोना महामारी आल्याने पुरवठा आणि मागणीवर परिणाम झाला. गेल्या वर्षीच्या शेवटच्या तिमाहीपासून कोविडशी संबंधित निर्बंध शिथिल केल्यानंतर मोठ्या संख्येने लोक सोने खरेदी करण्यासाठी दागिन्यांच्या दुकानात पोहोचले होते. त्यामुळे सोन्याची विक्री विक्रमी पातळीवर पोहोचली होती, मात्र चांदीची मागणी केवळ २५ टक्क्यांनी वाढली होती. चांदीच्या विक्रीत झपाट्याने वाढ झाली आहे.

देशांतर्गत बाजार १ वर्षात ४.६% घटले चांदीचे भाव कालावधी तेजी/घसरण 30 दिवस +4.41% 6 महिने +0.12% 1 वर्षे -4.65% 5 वर्षे +73.30% (स्रोत: आयबीजेए)

आंतरराष्ट्रीय १ वर्षात १७% स्वस्त झाली चांदी कालावधी तेजी/घसरण 30 दिवस +10.23% 6 महिने -2.41% 1 वर्षे -16.76% 5 वर्षे +23.45% (स्रोत: सिल्वरप्राइस डॉट ओआरजी)

८ हजार टनापेक्षा जास्त वाढणार मागणी बुलियन ट्रेडर्सच्या मते, या वर्षी देशात चांदीची खरेदी गेल्या वर्षाच्या तुलनेत ७७.८% वाढुन ८ हजार टन होऊ शकते. एप्रिलच्या ५,९०० टन अंदाजापेक्षा ३५६6% जास्त आहे. गेल्या वर्षी देशात सुमारे ४,५०० टन चांदीची खरेदी झाली होती.

जानेवारी-अॉगस्टमध्ये ६,३७० टनची आयात वाणिज्य मंत्रालयाच्या म्हणण्यानुसार, जानेवारी ते ऑगस्ट दरम्यान ६,३७० टन चांदीची आयात करण्यात आली. गेल्या वर्षीच्या याच कालावधीतील १५३.४ टन चांदीच्या आयातीपेक्षा हे प्रमाण ४१.५% अधिक आहे. २०२१च्या पूर्ण वर्षासाठी एकूण २,८०३.४ टन चांदीची आयात करण्यात आली.

तीन ते चार महिने मागणी मजबूत राहू शकते यंदा देशात चांदीच्या मागणीत वाढ होण्याचे मुख्य कारण म्हणजे वाढलेली मागणी. मेटल्स फोकसचे प्रिन्सिपल कन्सल्टंट चिराग शेठ यांच्या मते, भारतातील चांदीची मागणी स्थिर होण्यापूर्वी पुढील तीन-चार महिने स्थिर राहण्याची शक्यता आहे. पण २०२३ मध्ये खप या वर्षी इतका मजबूत नसेल.