जितेंद्र आव्हाड यांचे वादग्रस्त विधान:मुंबईत राष्ट्रवादी आणि भाजपचे कार्यकर्ते आमनेसामने; दोन्हीकडून जोरदार घोषणाबाजी

राष्ट्रवादीचे आमदार जितेंद्र आव्हाड यांच्या वादग्रस्त वक्तव्यावरून सोमवारी सकाळी दक्षिण मुंबई परिसरात भाजप आणि राष्ट्रवादीचे कार्यकर्ते आमनेसामने आले. दोन्ही पक्षांच्या कार्यकर्त्यांनी एकमेकांच्या विरोधात घोषणाबाजी केली. मुंबई पोलिसांनी या आंदोलनाचे राजकीय संघर्षात रूपांतर होण्यापूर्वी नियंत्रणात आणले.

जेव्हा राज्यपाल छत्रपती शिवाजी महाराजांबद्दल आक्षेपार्ह वक्तव्य करतात, तेव्हा भाजपचे कार्यकर्ते का बोलत नाहीत. भाजपचे ज्येष्ठ नेते चंद्रकांत पाटील आणि आमदार प्रसाद लाड महापुरुषांचा अवमान करणारी विधाने करतात, तेव्हाही भाजप नेते गप्प का होते? असा सवाल विचारत राष्ट्रवादीचे प्रदेशाध्यक्ष मेहबूब शेख म्हणाले की, भाजपचे कार्यकर्ते राष्ट्रवादीच्या मुख्यालयासमोर आंदोलन करण्यासाठी आले तर त्यांचे महाप्रसादाने स्वागत करण्यात येईल. ते म्हणाले की, भाजपचे छत्रपती शिवाजी महाराजांवरील प्रेम हा लबाडीचा आहे हे महाराष्ट्रातील तमाम तरुणांना माहीत आहे.

भाजयुमोची आव्हाडांना मारण्याची धमकी

राष्ट्रवादीचे आमदार जितेंद्र आव्हाड यांनी छत्रपती शिवाजी महाराजांबद्दल केलेले वक्तव्य आक्षेपार्ह असल्याचे मुंबई भाजप युवा मोर्चाचे अध्यक्ष तेजिंदरसिंग तिवाना यांनी म्हटले आहे. आव्हाड जिथे दिसतील तिथे थप्पड मारावीत, असे आवाहन त्यांनी आपल्या युवा कार्यकर्त्यांना केले आहे. भाजप नेते कपिल दहेकर यांनी आव्हाड यांची जीभ कापणाऱ्याला 10 लाखांचे बक्षीस जाहीर केले आहे. विशेष म्हणजे, बॅलार्ड पिअर येथील राष्ट्रवादी कार्यालयासमोर आंदोलन करण्यासाठी आलेल्या भाजप युवा मोर्चाच्या कार्यकर्त्यांना मुंबई पोलिसांनी ताब्यात घेतले आहे.