आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

आर्यन ड्रग्ज प्रकरणाच्या साक्षीदारावर कारवाई:किरण गोसावीविरोधात ठाण्यात आणखी एक गुन्हा दाखल, पुणे पोलिसांनी त्याच्या फरार साथीदाराला पकडले

मुंबईएका महिन्यापूर्वी
  • कॉपी लिंक
  • पैसे मागितल्यास जीवे मारण्याची दिली होती धमकी

क्रूज ड्रग्स प्रकरणात एनसीबीच्या वतीने साक्षीदार बनलेल्या किरण गोसावीच्या अडचणी कमी होण्याचे नाव घेत नाहीये महाराष्ट्र पोलिसांनी गोसावीविरोधात दुसरा गुन्हा दाखल केला आहे. ठाण्याच्या कळवा पोलिस ठाण्यात नोंदवलेल्या या प्रकरणी गोसावीवर तरुणाला परदेशात नोकरी मिळवून देण्याच्या नावाखाली तीन लाखांची फसवणूक केल्याचा आरोप आहे. आर्यन खानच्या अटकेपूर्वी गोसावी त्याच्यासोबत सेल्फी घेऊन प्रसिद्धीच्या झोतात आला होता. किरणवर राष्ट्रवादीचे नेते आणि मंत्री नवाब मलिक यांनीही गंभीर आरोप केले होते.

सोमवारीच पुणे पोलिसांनी गोसावीचा साथीदार आणि जवळचा मित्र शेर बानो कुरेशीला अटक केली. 2018 मध्ये, कुरेशी आणि गोसावी यांच्याविरोधात फरासखाना पोलिस ठाण्यात गुन्हा दाखल करण्यात आला होता. आरोपानुसार, दोघांनी चिन्मयकडून मलेशियात नोकरी मिळवण्याच्या नावाखाली तीन लाख रुपये घेतले होते. किरण गोसावी सध्या फरार आहे. त्याच्याविरुद्ध लुकआऊट नोटीस जारी करण्यात आली आहे.

पैसे मागितल्यास जीवे मारण्याची दिली होती धमकी
चिन्मय देशमुख यांनी सांगितले की, काही दिवस मलेशियात राहिल्यानंतर तो कसा तरी मलेशियातून पुण्यात परतण्यास यशस्वी झाला होता, पण परत आल्यानंतर, जेव्हा त्याने किरण गोसावीकडे पैशांची मागणी केली, तेव्हा किरणने त्याला जीवे मारण्याची धमकी दिली होती. त्यानंतर चिन्मयने किरणवर गुन्हा दाखल केला, पण तेव्हापासून तो फरार होता. आता किरण गोसावी शाहरुख खानचा मुलगा आर्यनसोबत सेल्फी काढून पोलिसांच्या नजरेत आला आहे.

गोसावीवर 2007 ते 2018 पर्यंत फसवणुकीचे चार गुन्हे दाखल

पोलिस स्टेशनया कलमांनुसार गुन्हे दाखल
कापुरबावड़ी पोलिस स्टेशन, ठाणेIPC 160, 420 और 34
कापुरबावड़ी पोलिस स्टेशन, ठाणेIPC 164, 420 और 34
अंधेरी पोलिस स्टेशनIPC 408, 419, 420, 201 और 34
फारासखाना पोलिस ​​​स्टेशन, पुणेIPC 105, 419 और 420
बातम्या आणखी आहेत...