आपल्या शहरातील ताज्या बातम्या आणि ई-पेपर मिळवा मोफत

Install App

महाराष्ट्र कोरोना:कोरोनामुक्तांची संख्या साडेपाच लाखांजवळ, 14,361 नव्या रुग्णांची भर, रिकव्हरी रेट 72.62 टक्क्यांवर

मुंबईएका महिन्यापूर्वी
  • कॉपी लिंक
  • राज्यातील एकूण रुग्णसंख्या 7 लाख 47,995

राज्यात कोरोनामुक्त होणाऱ्या रुग्णांची संख्या साडेपाच लाखांच्या उंबरठ्यावर पोहोचली आहे. शुक्रवारी राज्यात ११,६०७ रुग्णांना डिस्चार्ज मिळाला. आता एकूण कोरोनामुक्तांचा आकडा ५ लाख ४३,१७० वर गेला आहे. आता राज्यात १ लाख ८०,७१८ अॅक्टिव्ह रुग्ण आहेत. दरम्यान, शुक्रवारी १४,३६१ नवे रुग्ण तर, ३३१ मृत्यूंची नोंद करण्यात आली आहे. आता राज्यातील एकूण रुग्णसंख्या ७ लाख ४७,९९५ तर बळींचा आकडा २३,७७६ वर पोहोचला आहे.

मराठवाड्यात कोरोनाचे २८ बळी
औरंगाबाद | शुक्रवारी मराठवाड्यात २८ रुग्णांचा मृत्यू झाला. लातूर जिल्ह्यात ७, नांदेड ५, परभणी जिल्हा ५ आणि उस्मानाबाद जिल्ह्यात २ रुग्णांचा मृत्यू झाला. दुसरीकडे, रुग्णसंख्येतही मोठी भर पडली आहे. नांदेड २१५, हिंगोली ३९, परभणी ८१, जालना ६१, लातूर २६८ तर उस्मानाबाद जिल्ह्यात ८० रुग्ण आढळले.

औरंगाबाद : ३६४ रुग्ण, नऊ मृत्यू
जिल्ह्यात शुक्रवारी ३६४ नवे रुग्ण, तर ९ रुग्णांचा मृत्यू झाला. जिल्ह्याची रुग्णसंख्या २२,५४९ झाली असून त्यापैकी १७,२२४ जण बरे झाले आहेत. आतापर्यंत ६८१ रुग्ण मृत्युमुखी पडले आहेत. सध्या ४ हजार ६४४ रुग्णांवर उपचार सुरू आहेत.