महाराष्ट्र कोरोना:राज्यात 17.53 लाखांवर रुग्णांनी कोरोनाला हरवले, रिकव्हरी रेट 93.46 टक्क्यांवर पोहोचला

राज्यात आतापर्यंत तब्बल १७.५३ लाख रुग्णांनी कोरोनाला हरवले आहे. राज्यातील काेरोनामुक्तांचा आकडा १७ लाख ५३,९२२ वर पोहोचला आहे. शनिवारी ३,९४९ जणांना डिस्चार्ज देण्यात आला. आता राज्याचा रिकव्हरी रेट ९३.४६ टक्क्यांवर पोहोचला आहे.

दरम्यान, राज्यात शनिवारी दिवसभरात ४,२५९ नव्या रुग्णांचे निदान करण्यात आले. यासोबतच राज्यातील एकूण कोरोनाग्रस्त रुग्णांची संख्या १८ लाख ७६,६९९ वर पोहोचली आहे. शनिवारी ८० कोरोनाबाधितांचा मृत्यू झाल्यानंतर कोरोना बळींचा एकूण आकडा ४८,१३९ वर पोहोचला आहे. राज्याचा मृत्युदर २.५७% आहे. राज्यात आज घडीस ७३,५४२ अॅक्टिव्ह रुग्ण आहेत.