आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शुभेच्छा:अजित पवारांकडून मोदींना वाढदिवसानिमित्त शुभेच्छा, म्हणाले 'महाराष्ट्रातील जनतेच्याही आपल्याकडून मोठ्या अपेक्षा, पंतप्रधानपदी झालेली फेरनिवड ही देशवासीयांच्या विश्वासाचं प्रतिक'

मुंबईएका महिन्यापूर्वी
  • कॉपी लिंक
  • राज्यातील महाविकास आघाडीच्या नेत्यांनीही वाढदिवसाबद्दल पंतप्रधान मोदींना शुभेच्छा दिल्या आहेत.

पंतप्रधान नरेंद्र मोदी हे आज आपला 71 वा वाढदिवस साजरा करत आहेत. त्यांच्या वाढदिवसानिमित्त देशभरातून त्यांच्यावर शुभेच्छांचा वर्षाव होत आहे. राज्यातील महाविकास आघाडीच्या नेत्यांनीही वाढदिवसाबद्दल पंतप्रधान मोदींना शुभेच्छा दिल्या आहेत. उपमुख्यमंत्री अजित पवारांनी मोदींना विशेष शुभेच्छा दिल्या. पंतप्रधानांना निरोगी, दीर्घायुष्य लाभो, त्यांच्या नेतृत्वाखाली देशाचा सर्वसमावेशक विकास घडो, अशा सदिच्छा त्यांनी व्यक्त केल्या आहेत.

उपमुख्यमंत्री अजित पवार म्हणतात की, 'भारतासारख्या महान लोकसत्ताक देशाचे पंतप्रधान होण्याचं भाग्य आपल्याला दोनदा लाभलं आहे. स्वतंत्र भारतात जन्म झालेले आपण देशाचे पहिले पंतप्रधान आहात. पंतप्रधानपदी झालेली फेरनिवड ही देशवासियांच्या विश्वासाचं, अपेक्षांचं प्रतिक आहे. देशवासियांच्या अपेक्षा पूर्ण करुन त्यांचा विश्वास सार्थ ठरविण्याचं बळ आपणास मिळो. पंतप्रधान म्हणून आपल्या नेतृत्वाखाली देशाची एकता, अखंडता, सार्वभौमत्व, संविधान, लोकशाही व्यवस्था अबाधित राहो.'

पुढे अजित पवार म्हणाले की, 'देशातील महागाई, बेरोजगारी, कोरोनासह आर्थिक, सामाजिक संकटांवर यशस्वीपणे मात करुन देशाला विकासाच्या मार्गावर नेण्यात आपणास यश मिळो', अशा शुभेच्छा उपमुख्यमंत्री अजित पवार यांनी पंतप्रधानांना दिल्या आहेत. महाराष्ट्रातील जनतेच्याही पंतप्रधान म्हणून आपल्याकडून मोठ्या अपेक्षा आहेत. या अपेक्षांची पूर्तता होईल. महाराष्ट्राला तसेच समस्त देशवासियांना समान न्याय, विकासाची समान संधी उपलब्ध करुन देण्याचं काम आपल्याकडून होईल, अशी अपेक्षाही उपमुख्यमंत्र्यांनी त्यांच्या शुभेच्छा संदेशात व्यक्त केली आहे.

बातम्या आणखी आहेत...