आपल्या शहरातील ताज्या बातम्या आणि ई-पेपर मिळवा मोफत

Install App

राजकारण:भाजपाचे अनेक आमदार आमच्या संपर्कात, पक्षावर नाराज असल्याने देऊ शकतात सोडचिठ्ठी, महिला व बालकल्याण विकास मंत्री यशोमती ठाकूर यांचा दावा 

मुंबईएका महिन्यापूर्वी
  • कॉपी लिंक
  • महाराष्ट्रात सध्या महाविकास आघाडीचे सरकार आहे, 105 आमदारांसह भाजप येथे विरोधी पक्षात आहे

राजस्थानमधील सध्या सुरू असलेल्या राजकीय पेचप्रसंगाच्या पार्श्वभूमीवर महाराष्ट्र कॉंग्रेसच्या नेत्या आणि महिला आणि बालकल्याण विकास मंत्री यशोमती ठाकूर यांनी भारतीय जनता पक्षाचे दोन आमदार त्यांच्या संपर्कात असल्याचा दावा केला आहे. त्या म्हणाल्या की येथे महाविकास आघाडी सरकारला कोणताही धोका नाही आणि ठाकरे सरकार आपला कार्यकाळ पूर्ण करेल. राज्यात सध्या शिवसेना, राष्ट्रवादी कॉंग्रेस आणि कॉंग्रेस आघाडीचे सरकार आहे. येथे 105 आमदारांसह भाजप विरोधात आहे.

भाजपने आपल्या आमदारांवर लक्ष ठेवले पाहिजे

यशोमती ठाकूर म्हणाल्या की, महाराष्ट्राने देशाला एक नवीन फॉर्म्युला दिला आहे आणि महाविकास आघाडी सरकार त्यांचा कार्यकाळ पूर्ण करेल. भाजपने आपल्या 105 आमदारांवर लक्ष ठेवले पाहिजे कारण त्यात असे काही आमदार आहेत ज्यांनी पक्ष आणि मन बदलले आहे. हे आमदार भाजपवर नाराज आहे आणि पक्ष बदलाच्या तयारीत आहेत. यशोमती ठाकूर म्हणाल्या की, असे आमदार आमच्या संपर्कात आहेत आणि कधीही आमच्यासोबत येऊ शकतात.

महाराष्ट्राचे राजकीय गणित

महाराष्ट्रात शिवसेना-राष्ट्रवादी-कॉंग्रेसचे महाविकास आघाडी सरकार आहे. 288 सदस्यीय विधानसभेत शिवसेनेचे 56, राष्ट्रवादीचे 54 आणि कॉंग्रेसचे 44 आमदार आहेत. याशिवाय इतर पक्षांच्या आमदारांचे त्यांना समर्थन आहे. पाच अपक्ष आमदारांनीही सरकारला पाठिंबा दर्शविला आहे. युतीकडे 169 जागा आहेत.

भाजपा हा सर्वात मोठा विरोधी पक्ष आहे

महाराष्ट्र निवडणुकीत भाजप हा सर्वात मोठा पक्ष ठरला. त्यात 105 आमदार आहेत. याशिवाय, एक आरएसपी, एक जेएसएस आणि 8 अपक्षांचा पाठिंबा आहे. म्हणजेच, भाजपा युतीच्या 115 जागा आहेत. मनसेचा एक आमदार, एआयएमआयएमचे दोन आमदार आणि सीपीएमच्या एका आमदारांनी कोणालाही पाठिंबा दर्शविला नाही.

0