विकृतीचा कळस:भटक्या कुत्र्यावर लैंगिक अत्याचार करणाऱ्या नराधमाला अटक, मुंबईतील घटना

मुंबईत भटक्या कुत्र्याबरोबर एका विकृताने अनैसर्गिक संबंध ठेवल्याची धक्कादायक घटना उघडकीस आली आहे. मुबंईतील अंबोली परिसरात ही घटना घडली आहे. याप्रकरणी एका 45 वर्षीय व्यक्तीला अटक करण्यात आली आहे, अशी माहिती अंबोली पोलिसांनी दिली आहे.

मितलेश दास, असे अटक करण्यात आलेल्या विकृताचे नाव असल्याचे पोलिसांनी सांगितले आहे. पोलिसांनी दिलेल्या माहितीनुसार, बालाजी टेलीफिल्म्स, वीरा देसाई रोड, अंधेरीजवळ ही घटना घडली. येथून जात असताना एका 25 वर्षीय महिलेने आरोपी दासला कुत्र्याबरोबर अनैसर्गिक संबंध करताना पाहीले. महिलेने तातडीने जवळील पोलिस स्टेशन गाठत आरोपीविरोधात तक्रार दिली. त्यानंतर पोलिसांनी तातडीने घटनास्थळी जात आरोपीला ताब्यात घेतल्याचे पोलिसांनी सांगितले.

महिलेने दिलेल्या तक्रारीच्या आधारे विकृताविरोधात गुन्हा दाखल केला आहे, अशी माहिती पोलिसांनी दिली आहे.