आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Local
  • Maharashtra
  • Mumbai
  • MCOCA Imposed On 6 Including Mumbai's Millionaire Hawker, Owns 10 Houses, 2 Expensive Cars And 5 Acres Of Farmland; Used To Collect From Shopkeepers Outside The Station; News And Live Updates

वसुलीचा आरोप:मुंबईतील कोट्यधीश फेरीवालासह 6 जणांवर मकोका, 10 घरे, 2 महागड्या गाड्या आणि 5 एकर शेताचा मालक; स्टेशनबाहेरील दुकानदारांकडून करायचा वसुली

मुंबई2 महिन्यांपूर्वी
  • कॉपी लिंक
  • ठाणे आणि कल्याणमध्ये चालत असे वसुलीचा रॅकेट

शासकीय रेल्वे पोलिसांनी (जीआरपी) वसुलीच्या आरोपाखाली कोट्यधीश फेरीवालासह त्यांची पत्नी आणि इतर 6 जणांविरोधात महाराष्ट्र संघटित गुन्हेगारी नियंत्रण कायदा (मकोका) लागू केला आहे. आरोपी संतोष कुमार सिंह उर्फ ​​बबलू ठाकूरकडे कोट्यवधींची संपत्ती आहे. ज्यात 2 महागड्या गाड्या आणि 1 मोटारसायकल, मुंबईतील 10 घरे, उत्तर प्रदेशातील त्याच्या मूळ गावी 2 प्लॉट, 5 एकर शेती, दीड किलो सोने, 10 लाख रूपयाचा विमा पॉलिसी आणि सुमारे 30 खात्यात रोख रक्कमेचा समावेश आहे.

दादर जीआरपीचे वरिष्ठ निरीक्षक ज्ञानेश्वर काटकर सांगतात की, आरोपी संतोष कुमार सिंह उर्फ ​​बबलू ठाकूर रेल्वे स्थानकांवरील फेरीवाल्यांकडून कथितरित्या पैसे उकळत असे. ज्यांनी पैसे दिले नाही त्याला तो मारहाण करत त्यांच्यावर धारदार शस्त्रांनी हल्ला करायचा असे काटकर यांनी यावेळी सांगितले.

ठाणे आणि कल्याणमध्ये चालत असे वसुलीचा रॅकेट
आरोपी दादर, छत्रपती शिवाजी महाराज टर्मिनस (सीएसटी), भायखळा आणि कुर्ला रेल्वे स्थानक तसेच ठाणे शहर आणि कल्याण परिसरातील स्थानकांवर वसुलीचे रॅकेट चालवत होता असे एका अधिकाऱ्याने सांगितले. विशेष म्हणजे आरोपी ठाकूर आणि त्यांची पत्नी रिता सिंग यांच्यावर अनेक गुन्हे दाखल असून त्यापैकी बरेच खटले न्यायालयात प्रलंबित आहेत.

या कलमांखाली गुन्हा दाखल
ज्ञानेश्वर काटकर पुढे म्हणाले की, “आम्ही आरोपी ठाकूरसह त्यांची पत्नी आणि इतर 6 जणांविरोधात मकोका लावण्यात आला असून त्यांची मालमत्ता जप्त करण्यात आली आहे. आरोपींविरोधात शेवटचा गुन्हा IPC कलम 387 (वसुली) आणि 392 (दरोडा) अंतर्गत नोंदवण्यात आला आहे. पुढील तपास अद्याप सुरु असल्याचे काटकार यांनी सांगितले.

बातम्या आणखी आहेत...