आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

मिस्टर इंडियाने केला आत्महत्येचा प्रयत्न:बॉडी बिल्डर मनोज पाटीलने औषधे खाऊन केला आत्महत्येचा प्रयत्न, सुसाइड नोटमध्ये अभिनेता साहिल खानवर केले गंभीर आरोप

मुंबईएका महिन्यापूर्वी
  • कॉपी लिंक
  • अभिनेता साहिल खानवर केले गंभीर आरोप

मिस्टर इंडियाचा माजी बॉडीबिल्डर मनोज पाटीलने आत्महत्येचा प्रयत्न केला आहे. मनोज पाटीलने सुसाईड नोटही लिहिली. यामध्ये त्याने अभिनेता साहिल खानवर गंभीर आरोप केले आहेत. मनोज पाटील सध्या कूपर रुग्णालयात दाखल असून त्यांची प्रकृती स्थिर आहे. मिळालेल्या माहितीनुसार, मनोज पाटीलने काही गोळ्या खाऊन आत्महत्येचा प्रयत्न केला आहे.

अभिनेता साहिल खानवर केले गंभीर आरोप
मनोज पाटीलने झोपण्यापूर्वी आत्महत्येचा प्रयत्न केला होता. सुसाईड नोटमध्ये मनोज पाटीलने अभिनेता साहिल खानवर गेल्या अनेक दिवसांपासून त्याला त्रास दिल्याचा आरोप केला आहे. मनोजच्या मते, साहिल खानने सोशल मीडियावर त्याच्याविरोधात दिशाभूल करणारी माहिती आणि व्हिडिओ प्रसारित केले. त्याने सुसाईड नोटमध्ये म्हटले आहे की, छळ आणि बदनामी केल्यामुळे तो आत्महत्येचे पाऊल उचलत आहे.

मिस्टर इंडिया असलेला मनोज पाटील मिस्टर ऑलिम्पियासाठी प्रयत्न करत होता. साहिल खानलाही या स्पर्धेत भाग घ्यायचा होता. मनोज पाटील यांचा आरोप आहे की, याच कारणामुळे साहिल खान त्याची बदनामी करण्याचा सतत प्रयत्न करत होता. याशिवाय व्यवसायाबाबत दोघांमध्ये वाद झाला होता.

कुटुंबाने साहिल खानविरोधात गुन्हा दाखल केला
दरम्यान, मनोज पाटीलच्या कुटुंबीयांनी ओशिवरा पोलिस ठाण्यात तक्रार दाखल केली आहे. मनोज पाटीलचे कुटुंब दुपारी मनसे अध्यक्ष राज ठाकरे यांची भेट घेऊन मदतीची याचना करणार असल्याचेही वृत्त आहे.

बातम्या आणखी आहेत...