आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिलासा नाहीच:आर्यन खानचा जामीन अर्ज फेटाळला, आज आई गौरी खानच्या वाढदिवशी देखील आर्यनचा तुरुंगातच मुक्काम; कोर्ट म्हणाले...

मुंबई8 दिवसांपूर्वी
  • कॉपी लिंक

अभिनेता शाहरुख खानचा मुलगा आर्यन खानची जामीन याचिका फेटाळण्यात आली आहे. आर्यन, अरबाज मर्चंट आणि मुनमुन धामेचा यांच्या जामीन अर्जावर किला न्यायालयात क्रूझ शिपमध्ये ड्रग पार्टी ठेवल्याबद्दल सुनावणी झाली. आधी सुनावणी दुपारी 12.45 च्या सुमारास सुरू झाली, जी दुपारी 2.15 पर्यंत चालली, नंतर खंडित झाली.

दरम्यान, एनसीबीने आर्यनसह सर्व 6 पुरुष आरोपींना आर्थर रोड जेल आणि दोन्ही महिला आरोपींना भायखळा कारागृहात पाठवले आहे. आर्यनला क्वारंटाईन सेलमध्ये ठेवण्यात आले आहे. जरी त्याची आरटीपीसीआर चाचणी निगेटिव्ह आली आहे, परंतु कारागृहाच्या नवीन मार्गदर्शक तत्त्वांनुसार, त्याला 7 दिवस क्वारंटाईन सेलमध्ये ठेवण्याचा नियम आहे. खरं तर, न्यायालयाने काल सर्व आरोपींना 14 दिवसांची न्यायालयीन कोठडी सुनावली होती, परंतु सुनावणी उशिरापर्यंत चालली आणि संध्याकाळी 6 नंतर जेलमध्ये प्रवेश नाही, त्यामुळे आर्यनसह 8 आरोपींना एनसीबीच्या लॉकअपमध्ये ठेवण्यात आले.

आर्यनचे वकिल काय कोर्टात काय म्हणाले ?
त्याचवेळी, आज या प्रकरणात, दोन्ही पक्ष वेगवेगळ्या प्रकरणांचा हवाला देत वाद करत आहेत की, जामीन अर्जावरील सुनावणी या न्यायालयात झाली पाहिजे की नाही. या दरम्यान, आर्यनचे वकील सतीश मानशिंदे म्हणाले की, जर वाद असेल तर न्यायाधीशांनी हे प्रकरण उच्च न्यायालयाकडे पाठवायला हवे होते, परंतु दुर्दैवाने तसे झाले नाही.

मानशिंदे यांनी असा युक्तिवाद केला आहे की कमी प्रमाणात ड्रग्सच्या प्रकरणांमध्ये, उच्च न्यायालय जामीन देत असते, मग माझ्या क्लायंटकडे तर काहीही सापडले नाही. तसेच म्हणाले की, केंद्र सरकार या प्रकरणात इतकी घाई का करत आहे? त्याला उत्तर देताना एएसजी अनिल सिंह म्हणाले की तुम्ही असे म्हणू शकत नाही.

आर्यनच्या वकिलांनी दाखल केल्या आहेत दोन याचिका

आर्यन खानचे वकील सतीश मानशिंदे यांनी न्यायालयात दोन जामीन अर्ज दिले आहेत. दोघांपैकी एक अंतरिम जामिनासाठीची याचिका आहे जेणेकरून आर्यनला तात्काळ जामीन मिळावा आणि दुसरा नियमित जामिनासाठी आहे म्हणजे जोपर्यंत या प्रकरणाची चौकशी होत असेल तोपर्यंत त्याला जामिनावर राहता यावे. दुसरीकडे, एनसीबीने एनडीपीसी कायद्यांतर्गत नियमित जामिनाला आधीच विरोध केला आहे. तत्पूर्वी, न्यायालयाने 24 तास चाललेल्या सुनावणीनंतर गुरुवारी आर्यनसह सर्व 8 आरोपींना न्यायालयीन कोठडीत पाठवण्याचे आदेश दिले होते.

खरेतर, संध्याकाळी 6 नंतर तुरुंगात प्रवेश नसतो, त्यामुळे त्याला संपूर्ण रात्र एनसीबीच्या लॉकअपमध्ये काढावी लागली. कोर्टात एनसीबीचे वकील सतीश मानशिंदे यांनी सांगितले की आरोपीला तुरुंगात पाठवण्यापूर्वी त्याची कोविड चाचणी केली जाते आणि आर्यनची कोरोना चाचणी अद्याप झालेली नाही. असे मानले जाते की आज न्यायालयातून जामीन नाकारल्यास आर्यनची प्रथम कोविड चाचणी होईल आणि नंतर त्याला नवी मुंबईतील तळोजा कारागृहात पाठवले जाईल.

एनसीबीला 11 ऑक्टोबरपर्यंत कोठडी हवी होती
आर्यन खान आणि त्याच्यासह अटक केलेल्या 7 लोकांची एनसीबी कोठडी काल संपली होती. एनसीबीने त्यांच्या कोठडीत 11 ऑक्टोबरपर्यंत मुदतवाढ मागितली होती, परंतु न्यायालयाने अपील स्वीकारले नाही आणि आर्यन खानसह आठही आरोपींना न्यायालयीन कोठडी सुनावली.

आर्यनच्या वकिलाने कोर्टात काय युक्तिवाद दिला?
सतीश मानशिंदे यांनी न्यायालयाला सांगितले की आर्यनची 2 रात्रींपासून चौकशी करण्यात आलेली नाही. तरीही एनसीबी आर्यनची कोठडी मागत आहे. मानशिंदे म्हणाले की, एनसीबी वारंवार सांगत आहे की, त्यांना मुख्य आरोपीपर्यंत पोहोचण्याची इच्छा आहे, पण तोपर्यंत आर्यनला ओलीस ठेवता येणार नाही. आर्यन प्रकरणापूर्वी अचित कुमारच्या खटल्याची सुनावणी झाली. त्याला 9 ऑक्टोबरपर्यंत एनसीबी कोठडी सुनावण्यात आली. आर्यनच्या वक्तव्याच्या आधारे अचितला अटक करण्यात आली होती.

एनसीबीने हा दावा केला आहे
एनसीबीने दावा केला होता की, आर्यनच्या फोनमधून पिक्चर्च चॅटच्या स्वरूपात अनेक लिंक्स सापडले आहेत, जे आंतरराष्ट्रीय ड्रग तस्करीकडे इशारा करतात. एनसीबीने म्हटले होते - चॅट्समध्ये अनेक कोड नावे देखील सापडली आहेत आणि त्यांना शोधण्यासाठी कोठडी आवश्यक आहे. एनसीबीने 11 ऑक्टोबरपर्यंत कोठडी मागितली होती, जी न्यायालयाने फेटाळली.

कोर्ट रुममध्ये दिसली गर्दी
हाय प्रोफाइल केस असल्याने कोर्टरूममध्ये मोठी गर्दी दिसली. यामुळे, बचाव पक्षाच्या वकिलांनी न्यायाधीशांना विनंती केली की जे या प्रकरणाशी संबंधित नाहीत त्यांना न्यायालयाच्या बाहेर पाठवावे. न्यायाधीशांनी प्रकरणाशी संबंधित लोकांना हात वर करण्यास सांगितले आणि बाकीच्यांना बाहेर जाण्याचे आदेश दिले.

या प्रकरणात आतापर्यंत 17 जणांना अटक करण्यात आली आहे
याप्रकरणी एनसीबीने आतापर्यंत 17 जणांना अटक केली आहे. यात परदेशी नागरिकाचाही समावेश आहे. या पैकी 8 जण न्यायालयीन कोठडीत आहेत आणि इतर 8 आरोपी 11 ऑक्टोबर पर्यंत NCB कोठडीत आहेत. कोर्टाने ज्यांना तुरुंगात पाठवले आहे त्यात अरबाज मर्चंट, विक्रांत छोकर, गोमित चोप्रा, इश्मीत सिंग चड्ढा, मोहक जायसवाल, मुनमुन धामीचा आणि नुपूर सतीजा यांचा समावेश आहे. या प्रकरणात, अधिकाऱ्यांनी कोकेन, मेफेड्रोन, चरस, हायड्रोपोनिक आणि एमडीएमए सारखी अनेक ड्रग्स आणि 1.33 लाख रुपये रोख जप्त केल्याचा आरोप आहे.

आरोपी मोहक जयस्वालची चौकशी केल्यानंतर अधिकाऱ्यांनी मुंबईतील जोगेश्वरीमध्ये छापा टाकला आणि अब्दुल कादिर शेखला 3 ऑक्टोबर रोजी मेफेड्रोनसह अटक केली. एनसीबीचा दावा आहे की आरोपी इश्मीतसिंग चड्ढाची चौकशी केल्यानंतर त्यांनी 4 ऑक्टोबर रोजी गोरेगाव येथील रहिवासी श्रेयस सुरेंद्र नायरला चरससह अटक केली होती.

बातम्या आणखी आहेत...