आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

रुग्णालयात बलात्काराचा प्रयत्न:दरवाजा उघडा पहात वार्डमध्ये शिरला सुरक्षा रक्षक, महिलेसोबत केली छेडछाड; आवाज केल्यानंतर डॉक्टर्स आणि नर्सने पकडले

एका महिन्यापूर्वी
  • कॉपी लिंक
  • रुग्णालयाचे छोटेमोठे कामही करायचा आरोपी

शहराच्या मलाड परिसरात एका रुग्णालयात कोविड-19 रुग्णासोबत छेडछाड करण्याच्या आरोपात 21 वर्षीय सुरक्षा रक्षकाला अटक करण्यात आली आहे. ही घटना बुधवार-गुरुवार रात्रीची आहे. आरोपी कथितरित्या रुग्णाच्या खोलीत घुसला आणि तिच्यासोबत छेडछाड करु लागला. पीडितेने बचावासाठी ओरडणे सुरू केले तेव्हा ड्यूटीवर तैनात डॉक्टर्स आणि नर्स तिथे पोहोचले आणि आरोपीला रंगेहाथ पकडले.

कुरार पोलिस ठाण्याचे वरिष्ठ पोलिस निरीक्षक बाबासाहेब साळुंखे यांनी सांगितले की, आरोपी संजय कोट्टेवार याला बलात्काराच्या प्रयत्नाच्या आरोपाखाली अटक करण्यात आली आहे. संजय चार महिन्यांपूर्वीच ही नोकरी जॉइन केली होती.

चुकून खोलीचा दरवाजा उघडा ठेवूनच ही महिला झोपली होती
पीडितेने पोलिसांना सांगितले की ती बुधवारी रात्री झोपली होती. ती खोलीत एकटी होती आणि रात्री ती दार बंद करण्यास विसरली. रात्री एका नर्सने सूरजला तिच्या खोलीजवळ फिरताना पाहिले. नर्सने सूरजला येथे काय करीत आहे असे विचारले असता तो म्हणाला की तो येथे चहा घेण्यासाठी आला आहे. यानंतर नर्स तेथून गेली आणि सूरजने रुग्णाच्या खोलीत घुसून बलात्काराचा प्रयत्न केला.

रुग्णालयाचे छोटेमोठे कामही करायचा आरोपी
पोलिस अधिकारी म्हणाले, "रुग्णांची देखभाल करणे, ऑक्सिजनची पातळी पाहणे इत्यादी किरकोळ कार्यात सूरज रुग्णालयाच्या इतर कर्मचार्‍यांना मदत करायचा. पीडित मुलीच्या म्हणण्यानुसार, त्याने तिच्या खोलीत डोकावले आणि हातांनी तिचे तोंड बंद करु लागला. ती उठली आणि त्याला दूर राहण्यास सांगितले. पण त्याने ऐकले नाही तेव्हा पीडितेने बजर वाजवून दुसऱ्या स्टाफला बोलावले. इतर कर्मचाऱ्यांना पाहून आरोपी तिथून पळू लागला पण कर्मचाऱ्यांनी त्याला पकडले.