राज्यासाठी संक्रात शुभ:10 महिन्यानंतर पहिल्यांदा एखाद्या सणाच्या दिवशी सर्वात कमी डेथ रेट, गुढी पाडव्यापासून आतापर्यंत रिकव्हरी रेट 83.6 टक्के वाढला

5 दिवसांपूर्वी

कॉपी लिंक

10 महिन्यात 83.6 टक्के वाढला रिकव्हरी रेट

महाराष्ट्रासह संपूर्ण देश आज मकर संक्राती आणि पोंगलचा सण साजरा करत आहे. कोरोना संक्रमणाच्या काळात जवळपास 10 महिन्यानंतर हा पहिला सण आला आहे, ज्यामध्ये डेथ रेट सर्वात कमी म्हणजेच 2.5 आहे. यापेक्षा कमी मृत्यू दर दिवाळी, भाऊबीज आणि क्रिसमसला होता. या दरम्यान हा आकडा 2.6 टक्के होता. दरम्यान सर्वात जास्त मृत्यू आषाढी एकादशी दरम्यान झाली होते. त्या वेळी कोरोना संक्रमितांचा मृत्यू दर 4.7 टक्के होता. या हिशोबाने मकर संक्रांती महाराष्ट्रातील लोकांसाठी आनंदाचा उत्सव ठरला आहे.

10 महिन्यात 83.6 टक्के वाढला रिकव्हरी रेट
22 मार्चला सुरू झालेल्या लॉकडाऊननंतर गेल्या 10 महिन्यांनध्ये महाराष्ट्रात गुडी पाडवा, आषाढी एकादशी, कृष्ण जन्माष्टमी, पोळा, गणेश चतुर्थी, दिवाळी आणि भाऊ बीजसारखे सण आले. दरम्यान मार्चच्या तुलनेत राज्यात सलग रिकव्हरी रेट सुधारत आहे. गुढी पाडव्याच्या दिवशी म्हणजेच 25 मार्च 2020 ला राज्यात रिकव्हरी रेट 11.4 टक्के होता. जो 14 जानेवारी 2021 ला वाढून 94.8 टक्क्यांपर्यंत पोहोचला आहे.

सण	तारीख	एकूण प्रकरणे	एकूण मृत्यू	रिकव्हरी रेट	डेथ रेट
गुढी पाडवा	25 मार्च 2020	107	04	11.2	3.7
वट पोर्णिमा	05 जून 2020	80,229	2849	43.8	3.6
अषाढ़ी एकादशी	1 जुलै 2020	1,80,298	8053	51.7	4.5
नाग पंचमी	25 जुलै 2020	3,66,368	13,389	56.6	3.7
नारळी पोर्णिमा	3 ऑगस्ट 2020	4,50,196	15,842	63.8	3.5
कृष्ण जन्माष्टमी	11 ऑगस्ट 2020	5,35,601	18,306	68.8	3.4
स्वातंत्र्य दिन	15 ऑगस्ट 2020	5,84,754	19,749	69.8	3.4
पोळा	19 ऑगस्ट 2020	6,28,642	21,033	71.1	3.3
गणेश चतुर्थी	22 ऑगस्ट 2020	6,71,942	21,995	71.5	3.3
दिवाळी	14 नोव्हेंबर 2020	17,44,698	45,914	92.5	2.6
भाऊ बीज	16 नोव्हेंबर 2020	17,49,777	46,034	92.5	2.6
ख्रिसमस	25 डिसेंबर 2020	19,13,382	49,129	94.4	2.6
मकर संक्रांति/पोंगल	14 जानेवारी 2021	19,78,044	50,211	94.8	2.5

राज्यात अजूनही 53 हजार अॅक्टिव्ह केस
महाराष्ट्रात गेल्या 24 तासांमध्ये 3556 नवीन रुग्ण आढळले आहेत. या दरम्यान राज्यात 3001 संक्रमित रुग्ण बरे होऊन घरी गेले आहेत. एकूण बरे झालेल्या रुग्णांचा आकडा वाढून 18,74,279 पर्यंत पोहोचला आहे. म्हणजेच एकूण 94.8 टक्के लोक बरे झाले आहेत. राज्यात अजुनही 53,365 रुग्णांवर विविध रुग्णालयांमध्ये उपचार सुरू आहेत.

मुंबईमध्ये ३ लाखांच्या पार पोहोचला संक्रमितांचा आकडा
मुंबईमध्ये बुधवारी कोरोना संक्रमणाचे 675 नवीन प्रकरणे समोर आली. यासोबतच संक्रमितांचा एकूण आकडा वाढून 3,00,471 पर्यंत पोहोचला आहे. मुंबईमध्ये पहिले COVID-19 चे प्रकरण 11 मार्च 2020 ला समोर आले होते. आज 307 दिवसांनंतर हा आकडा 3 लाखांच्या पार पोहोचला आहे.

मुंबईमध्ये 130 दिवसांमध्ये कोरोना रुग्णांचा आकडा 1 लाखांच्या पार पोहोचला होता आणि त्याच्या पुढच्या 72 दिवसांमध्ये हा आकडा 2 लाखांपर्यंत पोहोचला. आकड्यांनुसार त्यानंतरच्या 105 दिवसांमध्ये आज हा आकडा 3 लाखांच्या पुढे गेला आहे.

मुंबईमध्ये 11 हजार लोकांचा कोरोनामुळे मृत्यू
मुंबईमध्ये आतापर्यंत कोरोना महामारीमुळे एकूण 11,210 लोकांचा मृत्यू झाला आहे. 2,80,853 रुग्णांनी कोरोनावर मात केली आहे. 7,525 रुग्ण संक्रिय आहेत, ज्यांच्यावर कोविड रुग्णालयांमध्ये उपचार सुरू आहेत. बुधवारी एकूण 531 लोकांनी कोरोनावर मात केली यानंतर त्यांना रुग्णालयातून सुट्टी देण्यात आली.

अ‍ॅप उघडा

Our Divisions

This website follows the DNPA Code of Ethics.

फीडबॅक द्या

Open Divya Marathi in...

Divya Marathi App
Browser