पावसाने मुंबईकरांची दाणादाण:10 फोटोंमध्ये पाहा मुंबईची स्थिती; विमान, रेल्वे आणि बससेवा विस्कळीत, लोकांना समुद्रकिनार्‍यापासून दूर रहाण्याचा इशारा

मुंबईत गुरुवारी रात्री उशिरापासून सुरु असलेला पाऊस शुक्रवारी सकाळी सुरूच आहे. वडाळा, सायन आणि गांधी मार्केटसह अनेक सखल भागात रस्ते पाण्याने भरले आहेत. मुसळधार पावसामुळे महापालिकेने बसेसचे मार्ग बदलले आहेत. हार्बर मार्गावरील लोकल ट्रेन सेवाही प्रभावित झाली आहे. विमानतळाची धावपट्टी पाण्याने भरून गेली आहे. मात्र, उड्डाणांवर होणाऱ्या परिणामांची माहिती अद्याप समोर आलेली नाही. हवामान खात्याने मुंबईव्यतिरिक्त ठाणे आणि रायगड येथे पावसाचा रेड अलर्ट जारी केला आहे.

लोकांना समुद्रकिनार्‍यापासून दूर रहाण्याचा इशारा
येत्या 24 तासांत मुंबई व उपनगरात काही ठिकाणी हलका ते मध्यम पाऊस व मुसळधार पाऊस पडण्याची शक्यता हवामान खात्याने वर्तवली आहे. मुंबईत झालेल्या मुसळधार पावसामुळे गांधी बाजाराच्या क्षेत्रात पाण्याची कोंडी झाली आहे. हा भाग पावसाळ्यात नेहमीच पाण्याखाली जातो. बृहन्मुंबई महानगरपालिका (BMC) यांनीही लोकांना समुद्रकिनार्‍यापासून आणि पाणी साचलेल्या भागापासून दूर राहण्याची विनंती केली आहे.