पत्नीच्या चारित्र्यावर होता संशय:पतीने फिरण्याच्या बहाण्याने लॉजवर घेऊन जात पत्नीचे केले दोन तुकडे, ओळख लपवण्यासाठी काढले सर्व कपडे

रायगडमधील इंदिरा नगर परिसरात सोमवारी एका महिलेचा शिरच्छेद केलेला मृतदेह आढळून आल्याची धक्कादायक घटना घडली आहे. अवघ्या 24 तासांत या निर्घृन हत्येचे गूढ उकलल्याचा दावा पोलिसांनी केला आहे. रायगड जिल्ह्याचे पोलिस अधीक्षक अशोक दुधे यांनी सांगितले की, पत्नीच्या हत्येप्रकरणी पतीला मंगळवारी अटक करण्यात आली आहे. पतीने आपला गुन्हा कबूल केला आहे.

दुधे यांनी दिलेल्या माहितीनुसार, पूनम पाल असे महिलेचे नाव आहे. पूनम या व्यवसायाने नर्स होत्या. महिलेची ओळख न पटावी म्हणून आरोपीने तिचे दोन तुकडे केले आणि अंगावर घातलेले सर्व कपडे काढले. शेजारी बसवलेले सीसीटीव्ही तपासल्यानंतर या महिलेसोबत एक पुरुष दिसला आणि पोलिसांनी तिचा शोध घेतला तेव्हा तो महिलेचा पती रामसिलोचन पाल असल्याचे निष्पन्न झाले. पाल हा व्यवसायाने सॉफ्टवेअर इंजिनीअर असून तो नवीन पनवेल परिसरातील रहिवासी होता. विशेष म्हणजे या दोघांचे लग्न मे 2021 मध्ये झाले होते.

लग्नानंतरही ही महिला आई-वडिलांच्या घरी राहत होती
परिचारिकेचे काम असल्याने पूनम लग्नानंतर मालाड येथे आई-वडिलांसोबत राहत होती, असे तपासात समोर आले आहे. पूनम पनवेलला सुटीच्या दिवशी नवऱ्याकडे येत असे. येथून दोघेही 11 आणि 12 डिसेंबर रोजी माथेरानला गेले. सायंकाळी 7.30 वाजता दोघांनी माथेरानमधील इंदिरानगर भागातील साई सदन लॉजमध्ये भाड्याने खोली घेतली होती. तेथून ते सकाळी निघणार होते.

हॉटेलमध्ये चुकीच्या नावाने घेतली होती खोली
आरोपीने आपले नाव अमजद खान आणि पत्नी रुबिना बेगम या लॉजमध्ये नोंदवल्याचे पोलिस तपासात निष्पन्न झाले आहे. त्यांनी मुंबईत दिलेला पत्ताही खोटा होता. सकाळी नऊ वाजता येथून निघायचे होते. मात्र त्याआधीच त्याने खून केला. हत्येनंतर तीचा शिरच्छेद करून रेल्वे ट्रॅकच्या बाजूला फेकून देण्यात आला.

अशाप्रकारे आरोपींपर्यंत पोहोचले पोलिस
सोमवारी सकाळी मृतदेह सापडल्यानंतर माथेरान पोलिसांनी खुनाचा गुन्हा दाखल करून तपास सुरू केला. आरोपी पतीने हत्येनंतर डोके एका पिशवीत ठेवले आणि नाल्यात फेकले. मृतदेह सापडल्यानंतर पोलिसांच्या अनेक पथकांनी तपास सुरू केला आणि डोके जप्त केले. यानंतर पोलिसांनी चेहऱ्याची जुळवाजुळव करण्यासाठी आजूबाजूला लावलेले सीसीटीव्ही कॅमेरे तपासले आणि एका कॅमेऱ्यात ती महिला आपल्या पतीसोबत निघताना दिसली. या छायाचित्राच्या मदतीने सर्व लॉज आणि हॉटेल्सची झडती घेऊन आरोपीला पनवेल येथून अटक करण्यात आली. आरोपीने पोलिसांना सांगितले की, त्याला आपल्या महिलेचे प्रेमसंबंध असल्याचा संशय होता.