मनी लाॅंड्रींग प्रकरण:नवाब मलिक यांच्या जामीन याचिकेवर आज सुनावणी घेण्यास कोर्टाने नकार, मंगळवारी हायकोर्टात हेअरींग

मनी लाॅंड्रींग प्रकरणी कारागृहात असलेले नवाब मलिक यांच्या जामीन याचिकेवर आज सुनावणी घेण्यास कोर्टाने नकार दिला. या प्रकरणी आता उद्या (ता. 2) मुंबई उच्च न्यायालयात या प्रकरणी सुनावणी होणार आहे. त्यामुळे तूर्त मलिक यांना दिलासा मिळालेला दिसत नाही.

नेमके प्रकरण काय?

उपमुख्यमंत्री देवेंद्र फडणवीसांनी नोव्हेंबर 2021 मध्ये राष्ट्रवादी काँग्रेसचे नेते आणि मंत्री नवाब मलिकांवर गंभीर आरोप केले होते. फडणवीस म्हणाले होते की, मलिकांच्या कंपनीने अशा लोकांकडून जमीन खरेदी केली आहे, जे 1993 च्या मुंबई ब्लास्टमध्ये आरोपी आहेत. ही जमीन दाऊद इब्राहिमशी संबंधीत आहे.

हा झाला आरोप

नवाब मलिकचे अंडरवर्ल्डशी संबंध असल्याचा आरोपही करण्यात आला आहे. त्यानंतर ईडीने मनी लाँड्रींगप्रकरणीही नवाब मलिकांवर गुन्हे दाखल करत त्यांची कोट्यवधींची संपत्ती जप्त केली आहे.

मलिकांची ही संपत्ती ईडीकडून जप्त

हसीना पारकर यांना भेटायला गेला होता फराज मलिक!

नवाब मलिक यांचे भाऊ अस्लम मलिक आणि फराज मलिक हे जमिनीच्या व्यवहाराचे पैसे देण्यासाठी हसिना पारकर यांच्या घरी गेले होते. जमिनीचा सौदा 55 लाख रुपयांना झाला होता. फराज मलिक यांनी हसीना पारकर यांना 5 लाख आणि रोख 50 लाख रुपयांचा धनादेश दिला. त्यावेळी हसीना पारकरचा सहकारी सलीम पटेलही तिथे उपस्थित होता. त्यामुळे नवाब मलिक यांच्यानंतर आता त्यांच्या मुलावर ईडीचे पेच घट्ट होत असल्याचे बोलले जात आहे.