दिलासा:हसन मुश्रीफांना दिलासा; 11 एप्रिलला अटकपूर्व जामीन अर्जावर सुनावणी होणार, अटकेपासून दिलेले संरक्षण कायम

मुंबईतील विशेष न्यायालयात राष्ट्रवादी काँग्रेसचे नेते हसन मुश्रीफ यांच्या अटकपूर्व जामीन अर्जावर 11 एप्रिलला निर्णय जाहीर करणार आहे. तो पर्यंत मुश्रींफांना अटक न करण्याचा निर्णय कामय ठेवण्यात आला आहे. हा मुश्रीफांना मोठा दिलासा म्हणता येऊ शकतो.

जिल्हा बँकेचीही चौकशी

हसन मुश्रीफ यांच्याशी संबंधित नातेवाईक व्यवसायिकांवर यापूर्वीही ईडीने छापेमारी करत कारवाई केलेली आहे. आमदार हसन मुश्रीफ सध्या इडीच्या रडारवर आहेत. त्यांच्या निवासस्थानावर आतापर्यंत तीन वेळा छापेमारी करण्यात आली आहे. ते अध्यक्ष असलेल्या जिल्हा बँकेचीही चौकशी सुरू आहे.

सोमय्यांची तक्रार नेमकी काय?

कोल्हापुरातील अप्पासाहेब नलावडे साखर कारखाना लिलाव प्रक्रियेचे पालन न करता 2014 मध्ये ब्रिक्स इंडिया कंपनीला 10 वर्षांसाठी देण्यात आला. मुश्रीफ यांचे नातलग मतीन हसीन मंगोली हे या कंपनीचे बेनामी मालक आहेत. या कारखान्याचे 7185 शेअर्स एसयू कॉर्पोरेशन या शेल कंपनीकडे आहेत. या कंपनीद्वारे मुश्रीफ यांनी पैसे गुंतवले. कोल्हापूर येथील सरसेनापती संताजी घोरपडे साखर कारखान्यात मुश्रीफ यांनी भ्रष्टाचाराचे पैसे गुंतवले. 19 व्यक्तींच्या नावे या कारखान्यात गुंतवणूक आहे. त्यात मुश्रीफ यांच्या कुटुंबातील अबिद हसन मुश्रीफ, नाविद हसन मुश्रीफ, साजिद हसन मुश्रीफ, नबिला हसन मुश्रीफ, सबिना साजिद मुश्रीफ, साहेरा हसन मुश्रीफ यांच्या नावे 13.30 कोटींची गुंतवणूक आहे.

मुश्रीफांनी काळा पैसा पांढरा करून (मनी लाँड्रिंग) शेल कंपन्यांद्वारे 78 कोटी 91 लाख रुपयांचे शेअर्स घेतले आहेत. रजत कन्झ्यमुर सर्व्हिसेस, माउंंट कॅपिटल, मरुभूमी फायनान्स अँड डेव्हलपर्स, नेक्टजेन कन्सल्टन्सी सर्व्हिसेस, सरसेनापती शुगर्स आदी कंपन्यांचे हे शेअर्स आहेत.