आपल्या शहरातील ताज्या बातम्या आणि ई-पेपर मिळवा मोफत

Install App

अनुराग कश्यपवर लैंगिक शोषणाचा आरोप:रामदास आठवलेंसोबत अभिनेत्री पायल घोषने घेतली राज्यपालांची भेट, म्हटले - बलात्काराचा आरोपी मुक्तपणे फिरत आहे, माझ्या जीवाला धोका

एका महिन्यापूर्वी
  • कॉपी लिंक
  • दिग्दर्शक अनुराग कश्यपविरोधात बलात्कार, महिलेचा अपमान या कलमांतर्गत गुन्हा दाखल
  • अनुराग कश्यपच्या अटकेची मागणी सोशल मीडियासह अनेक संघटनांनी केली आहे

चित्रपट दिग्दर्शक अनुराग कश्यप यांच्या अटकेच्या मागणीसाठी अभिनेत्री पायल घोषनेआज महाराष्ट्राचे राज्यपाल भगतसिंग कोश्यारी यांची भेट घेतली. राज्यपालांची भेट घेतल्यानंतर बाहेर पडलेल्या अभिनेत्रीने सांगितले की, राज्यपालांनी आम्हाला सांगितले आहे की या लढ्यात ते माझ्याबरोबर आहेत. मी त्यांच्याकडे माझ्या संरक्षणाची मागणी केली आहे. यासह या प्रकरणात हस्तक्षेप करण्याचे अवाहन केले. तसेच अनुराग कश्यपला लवकरात लवकर अटक करण्याची मागणी केली आहे. ते म्हणाले आहेत की बलात्काराचा आरोपी उघडपणे रस्त्यावर फिरत आहे, त्यामुळे त्यांना संरक्षण देण्यात यावे.

अभिनेत्रीसोबत केंद्रीय मंत्री रामदास आठवले देखील होते. अभिनेत्रीने कश्यपवर लैंगिक अत्याचाराचा आरोप केला होता. याच मागणीवर घोष यांनी केंद्रीय मंत्री रामदास आठवले यांची भेट घेतली होती. अनुरागवर बलात्कारासंदर्भात विविध कलमान्वये गुन्हा दाखल करण्यात आला असून मुंबई पोलिस या प्रकरणाचा तपास करत आहेत. मात्र, अनुराग कश्यपला चौकशीसाठी बोलावले जाणे अद्याप बाकी आहे.

भगतसिंग कोश्यारी यांची भेट घेणार पायल घोष
पायल घोषने सोमवारी आपल्या ट्विटर हँडलवर लिहिले की, 'मी उद्या महाराष्ट्राचे राज्यपाल भगतसिंग कोश्यारी जी यांची भेट घेईन आणि पुढच्या पाऊलांविषयी चर्चा करीन. ज्या लोकांनी मला पाठिंबा दिला त्यांचे आभार. जय हिंद. '

अभिनेत्रीचा वकील म्हणाला - न्याय मिळाला नाही तर पायल उपोषणाला बसतील

रिपब्लिकन पार्टी ऑफ इंडिया (आरपीआय) चे अध्यक्ष रामदास यांच्यासोबत पायल घोषने सोमवारी पत्रकार परिषद घेतली. अनुराग कश्यपला अटक करण्याची मागणी केली. अभिनेत्री म्हणाली, 'याबद्दल बोलण्यासाठी मी माझे करिअर धोक्यात घातले आहे. अशा वेदनादायक अनुभवाबद्दल बोलण्यासाठी धैर्य आवश्यक आहे. सर्वांना विनंती आहे की घाबरू नका आणि बाहेर येऊन बोला. पायलचे वकील नितीन सातपुते यांनी आपल्या अधिकृत निवेदनात म्हटले आहे की, "माझ्या क्लायंटने मला सांगितले की तिला न्याय मिळाला नाही तर ती उपोषणावर बसेल."

रामदास आठवले म्हणाले- माझा पक्ष पायलला सुरक्षा देईल
पायल घोष यांचे समर्थन करताना केंद्रीय मंत्री रामदास आठवले म्हणाले, 'त्यांनी अनुराग कश्यपविरोधात तक्रार करण्याचे धाडस केले आहे. त्यांच्या समर्थनार्थ अनेक कलाकार समोर आले आणि त्यांना माझ्या पक्षाकडून संरक्षण मिळेल. आम्हाला लवकरच आरोपींवर कारवाईची अपेक्षा आहे. मी लवकरच अमित शहा यांना पत्र लिहीन. अनुराग कश्यप यांना लवकरच अटक करावी. पोलिसांनी कारवाई न केल्यास आम्ही आंदोलन करू.'

22 सप्टेंबर रोजी कश्यपवर बलात्काराचा गुन्हा दाखल

दक्षिण भारतीय चित्रपटात काम केलेली अभिनेत्री पायल घोषने चित्रपटाचे दिग्दर्शक-निर्माता अनुराग कश्यप यांच्या विरोधात बलात्काराचा गुन्हा दाखल केला आहे. 22 सप्टेंबर रोजी रात्री मुंबईतील विक्रोळी पोलिस स्टेशनमध्ये एफआयआर दाखल करण्यात आला होता. यापूर्वी सोमवारी ओशिवरा पोलिस ठाण्याच्या पोलिसांनी आपला परिसर नसल्याचे सांगून गुन्हा नोंदण्यास नकार दिला होता. 2013 मध्ये वर्सोवामधील यरी रोडवर एका ठिकाणी कश्यपने बलात्कार केल्याचा आरोप अभिनेत्रीने केला आहे. अनुरागविरोधात दुष्कर्म, चुकीचे वर्तन, चुकीचा हेतू आणि महिलेचा अपमान करण्याच्या कलमांखाली गुन्हा दाखल करण्यात आला आहे.