आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

NIAचे न्यायालयात प्रतिज्ञापत्र:मनसुख हिरेन हत्या प्रकरणात मुळ सूत्रधार प्रदीप शर्मा; सचिन वाझेने हत्येसाठी शर्माला दिले होते 45 लाख

21 दिवसांपूर्वी
  • कॉपी लिंक

मुंबई पोलिस दलातील तत्कालीन सहायक निरीक्षक सचिव वाझे याने मनसुख हिरेन यांच्या हत्येसाठी प्रदिप शर्मा यांना 45 लाख रूपये दिले होते, असे प्रतिज्ञापत्र 'राष्ट्रीय तपास यंत्रणेनं 'ने न्यायालयात दाखल केले आहे. उच्च न्यायालयाने या प्रकरणाची सुनावणी 17 जुलै रोजी ठेवली आहे.

मनसुख हिरेन यांच्या हत्येचा कट हा मुंबई पोलीस आयुक्तांच्या इमारतीत रचण्यात आला होता. प्रदीप शर्मा आणि इतर आरोपी विविध बैठकांना उपस्थित होते, असे राष्ट्रीय तपास यंत्रणेनेने प्रतिज्ञापत्र म्हटले आहे. राष्ट्रीय तपास यंत्रणेने मनसुख हिरेन हत्या प्रकरणात प्रदीप शर्माला अटक केली होती. तेव्हापासून शर्मा न्यायालयीन कोठडीत आहे.

मनसुख हिरेन मृत्यू प्रकरण नेमकं काय?
उद्योगपती मुकेश अंबानी यांच्या मुंबईतल्या अँटालिया या निवासस्थानाबाहेर स्फोटकांनी भरलेली स्कॉर्पिओ आढळली होती. ही स्कॉर्पिओ मनसुख हिरेन यांच्या नावावर होती. या घटनेच्या काही दिवसांनीच म्हणजे 5 मार्चला मुंब्रा इथल्या रेतीबंदर भागात मनसुख हिरेनचा मृतदेह सापडला होता. ही हत्या असल्याचा दावा करत NIA ने सचिन वाझे यांना अटक केली. सध्या ते कोठडीत आहेत.

तसंच आणखी 8 आरोपींविरोधआत आरोपपत्र दाखल करण्यात आलं. हे आरोपी सध्या न्यायालयीन कोठडीत आहेत. मनसुख हिरेन यांची हत्या घडली त्या रात्री नेमकं काय घडलं याचे पुरावे पोलिसांच्या हाती लागले आहेत. त्या रात्री आरोपींनी हिरेन यांच्या नाकावर जबरदस्ती क्लोरोफॉर्म टाकलं. त्यामुळे हिरेन तात्काळ बेशुद्ध पडले. त्यानंतर आरोपींनी त्यांची हत्या केली. पोस्टमार्टमच्या रिपोर्टमध्ये हत्येपूर्वी हिरेन यांच्या चेहऱ्यावर मार लागलेला होता.

बातम्या आणखी आहेत...