आपल्या शहरातील ताज्या बातम्या आणि ई-पेपर मिळवा मोफत

Install App

ब्रेकिंग न्यूज:कंगना रनोट विरोधात विधान परिषदेत हक्कभंग प्रस्ताव, काँग्रेसच्या भाई जगताप यांनी मांडला प्रस्ताव

मुंबई16 दिवसांपूर्वी
  • कॉपी लिंक

कंगना रनोटने मुंबईची पाकप्यात काश्मीरशी तुलना केली. यानंतर महाराष्ट्रातील राजकारण्यांमध्ये संताप निर्माण झाला. संजय राऊत आणि कंगना रनोट यांच्यात मोठा वाद झाल्याचे पाहायला मिळाले. यानंतर आता कंगना विरोधात विधान परिषदेत हक्कभंगाचा प्रस्ताव सादर करण्यात आला आहे. काँग्रेसच्या भाई जगताप यांनी हा प्रस्ताव मांडला आहे.

  • काय आहे प्रकरण?

शिवसेना नेते संजय राऊत यांनी मला उघड धमकी दिली आणि मुंबईत पुन्हा पाऊल ठेवू नकोस असा इशारा दिला. याआधी मुंबईच्या रस्त्यांवर ‘आझादी’च्या घोषणा देण्यात आल्या. आता उघडपणे धमक्या मिळत आहेत. मुंबई पाकव्याप्त काश्मीरप्रमाणे का वाटत आहे?, असा प्रश्न कंगनाने ट्विटरवरुन विचारला होता.

त्यानंतर कंगनाने आणखी एक ट्विट करत, ‘बरेच लोकं मला मुंबईत परत येऊ नकोस अशी धमकी देत आहेत. म्हणून मी येत्या आठवड्यात 9 सप्टेंबर रोजी मुंबईत येण्याचा निर्णय घेतला आहे. जेव्हा मी मुंबई विमानतळावर उतरेन तेव्हा पोस्ट करेन. कोणाच्या बापाची हिंमत असेल तर थांबून दाखवा’, असे प्रत्युत्तर दिले आहे.

यावर आता संजय राऊत म्हणाले की, “धमकी वगैरे देण्याची मला सवय नाही, आम्ही अ‍ॅक्शन घेतो, महाराष्ट्रात कमावते, खाते, मुंबई पोलीस त्यांचे रक्षण करते आणि त्यांच्यावरच आरोप कोणी करत असेल तर आम्ही त्यावर आक्षेप घेऊ शकत नाही का?” असा सवाल संजय राऊत यांनी विचारला.

0