वीज दरवाढीचा शॉक:राज्यात 7.25 टक्के दरवाढ, महावितरणला दोन वर्षांत 22 टक्के दरवाढीस नियामक आयोगाची मंजुरी

महाराष्ट्र विद्युत नियामक आयोगाने नव्या आर्थिक वर्षाच्या पहिल्या दिवशी वीज ग्राहकांना दरवाढीचा मोठा झटका दिला. महावितरणच्या दरवाढ याचिकेवर शनिवारी सायंकाळी निर्णय जाहीर झाला. त्यामध्ये २ वर्षांत तब्बल २१% दरवाढीस कंपनीला मुभा दिली आहे. आयोगाच्या निर्णयानुसार कंपनीला आगामी २ वर्षात अतिरिक्त महसूल ३९,५६७ कोटी रुपये मिळणार आहे. २०२३-२४ मध्ये ७.२५% तर व दुसऱ्या वर्षी १४.७५% दरवाढ होईल. याचा अर्थ मंजूर केलेली दोन वर्षातील एकूण दरवाढ २२% आहे.

दुसरीकडे, महागडी वीज खरेदी, अकार्यक्षमता व भ्रष्टाचाराचा सर्व बोजा वीज टाकला आहे, दरवाढ चुकीच्या पद्धतीने दिली आहे. आयोगाच्या आदेशाच्या विरोधात विद्युत अपिलय प्राधिकरण यांच्याकडे अपील दाखल करू, अशी माहिती महाराष्ट्र वीज ग्राहक संघटनेचे अध्यक्ष व वीज तज्ञ प्रताप होगाडे (इचलकरंजी) यांनी दिली.

असा बसेल राज्यातील वीज ग्राहकांना फटका महावितरणची वीज वितरण गळती २०२१-२२ या वर्षात १६.५७ % नसून २३.५४ % आहे, असे आयोगाने स्पष्ट केले आहे. तसेच शेतीपंपांचा वीज वापर कंपनी दावा करते त्यापेक्षा प्रत्यक्षात कमी आहे. घरगुती युनिट दरात ८७ पैशांची वाढ १. घरगुती ग्राहक (१०० युनिट पर्यंत): सध्या ४.७१ रुपये युनिट दर यंदा ५.५८ होईल, पुढच्या वर्षी ५.८८ पैसे प्रती युनीट असेल. २. व्यापारी ग्राहक (२० किलो वॅट पर्यंत): सध्या ८.४२ रुपये युनीट असलेला दर यंदा वर्षी ९.४४ होईल, पुढच्या वर्षी ९.६९ पैसे युनीट असेल. ३. शेतकरी ग्राहक (लघुदाब): सध्या ३.३० रुपये युनीटचा दर यंदा ४.१७ रुपये होईल, पुढच्या वर्षी तो ४.५६ पैसे प्रती युनीट असेल. ४. उद्योग ग्राहक (११/३३ केव्ही पर्यंत): सध्या ७.४४ रुपये युनीट दर यंदाच्या वर्षी ८.७२ पैसे होईल, पुढच्या वर्षी ८.९६ पैसे प्रती युनीट असेल. ५. शेती पंप ग्राहक (उच्चदाब): सध्या ४.२४ रुपये युनीटचा दर यंदा ५.९६ युपये होईल, तर पुढच्या वर्षी ६.३८ पैसे प्रती युनीट असणार आहे.