आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

अँटिलिया प्रकरण:सचिन वाझेला बरखास्त करण्याची तयारी, मनसुख हत्याकांडमध्ये ATS ने तपासले 9 हजार फोन नंबर; एका बार गर्लमुळे क्रॅक झाले प्रकरण

मुंबई9 महिन्यांपूर्वी
  • कॉपी लिंक
  • मनसुखच्या अखेरच्या कॉलच्या सहाय्याने एका बार गर्लपर्यंत पोहोचली ATS

उद्योगपती मुकेश अंबानी यांच्या घरापासून 300 मीटर अंतरावर सापडलेल्या स्कॉर्पिओचे मालक मनसुख हिरेनच्या हत्येच्या घटनेची महाराष्ट्रातील दहशतवादविरोधी पथकाने (ATS) प्रथम चौकशी केली. आता या प्रकरणात हे उघड झाले आहे की 4 ते 5 मार्च दरम्यान मनसुखच्या हत्येच्या दिवशी रेती बंदरच्या खाडीजवळ उपस्थित 9000 फोन यूजर्सचा डाटा ATS च्या टीमने तपासला.

मनसुखच्या अखेरच्या कॉलच्या सहाय्याने एका बार गर्लपर्यंत पोहोचली ATS
या खाडीमधून 48 वर्षीय ऑटो पार्ट्स व्यवसायीक मनसुख हिरेनचा मृतदेह आढळला होता. या डाटाला तपासल्यानंतरच ATS माजी कॉन्टेबल विनायक शिंदे आणि क्रिकेट बुकी नरेश गोरेपर्यंत पोहोचले होते. सूत्रांच्या माहितीनुसार, 4 मार्चला मनसुखच्या फोनवर एक व्हॉट्सअप कॉल आला होता. यानुसार ATS मुंबईच्या एका बार डान्सरपर्यंत पोहोचले आणि तिच्या संपर्कात राहणाऱ्या क्रिकेट बुकी गोरेपर्यंत पोहोचली.

एका विशेष नंबरच्या साहाय्याने ATS ने क्रॅक केले प्रकरण
सूत्रांनी दिलेल्या माहितीनुसार, 4 मार्च रोजी संध्याकाळी करण्यात आलेले व्हॉट्सअ‍ॅप कॉल स्कॅन केल्यानंतर एटीएसला आणखी एका नंबरची माहिती मिळाली. या नंबरवरून हिरेनलाही कॉल करण्यात आला होता. या क्रमांकाचा तपशील सिम कंपनीकडून काढला गेला, तर हा नंबर गुजरातच्या भुज येथून खरेदी केल्याचे समजले. ज्याने त्याला विकले त्या व्यक्तीची चौकशी केल्यानंतर समजले की, त्याने नरेश गोरेला 14 सिमकार्ड विकले होते. या विक्रेत्याने हे देखील सांगितले की गोरे यांनी त्यांच्या बार डान्सर मैत्रिणीला यापैकी एक सिम दिले होते. यावरुनच ATS ने संबंध जोडला आणि गोरेला गुजरातच्या एका हॉटेलमधून आणि नंतर विनायक शिंदेला ताब्यात घेतले.

पत्नीने एटीएसला हे सांगितले
मनसुखची पत्नी विमला हिरेन यांनी एटीएसला दिलेल्या निवेदनात म्हटले आहे की, "तावडे" नावाच्या अधिकाऱ्याचा अखेरचा फोन मनसुखला आला होता त्यानंतर सकाळी 9.30 वाजता तो घराबाहेर पडला. यानंतर हिरेन कधीच घरी परतला नाही आणि रात्री 11 वाजता विमला यांनी आपला फोन ट्राय केला तेव्हा नंबर बंद होता.

सचिन वाझे यांना काढून टाकण्याची तयारी सुरू झाली
अँटिलिया प्रकरणात अटक करण्यात आलेल्या आणि मुंबईच्या तळोजा तुरूंगात दाखल असलेल्या निलंबित API सचिन वाझे याला पोलिस खात्यातून काढून टाकण्याची तयारी सुरू झाली आहे. गृहखात्याच्या सूचनेनंतर मुंबई पोलिस वाझेला एक ते दोन दिवसांत काढून टाकू शकतात. राज्य घटनेच्या कलम 311 (2) अंतर्गत वाझेवर खटला चालवला जाईल.

यापूर्वी बनावट चकमकी प्रकरणात त्याला 16 वर्षे निलंबित करण्यात आले होते आणि 6 जून 2020 रोजी पुन्हा पोलिस विभागात प्रवेश देण्यात आला. वाझेला 13 मार्च रोजी राष्ट्रीय अन्वेषण यंत्रणेने (NIA)ने स्फोटक पुनर्प्राप्ती प्रकरणात एक्सप्लोसिव्ह अॅक्टमध्ये अटक केली होती. वाझेची शेवटची पोस्टिंग गुन्हे बुद्धिमत्ता युनिट (CIU) मध्ये होती.

बातम्या आणखी आहेत...