आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

अँटिलिया प्रकरण:सचिन वाझेची कस्टडी 7 एप्रिलपर्यंत वाढवली, कोर्टाने NIA ला उपचारांची सुविधा उपलब्ध करण्याचेही दिले निर्देश

मुंबई13 दिवसांपूर्वी
  • कॉपी लिंक
  • सचिन वाझे हॉटेलमधून चालवायचा वसूली रॅकेट

अँटिलिया प्रकरणात अटकेत असलेला मुंबई पोलिसचा सस्पेंड एपीआय सचिन वाझेची एनआयएक कस्टडी 7 एप्रिलपर्यंत वाढवण्यात आली आहे. स्पेशल कोर्टाने NIA ला निर्देश दिले आहेत की, प्रत्येक प्रकारची मेडिकल सुविधा त्याला उपलब्ध करण्यात यावी. वाझेची एनआयए कस्टडी आज संपत होती. त्यानुसार NIA ची टीम वाझेला घेऊन स्पेशल कोर्टात पोहोचली. एनआयएने वाझेला न्यायालयात आणण्यापूर्वी त्याची वैद्यकीय तपासणी केली.

NIA च्या विशेष कोर्टाने तपास एजन्सीला 7 एप्रिल रोजी त्याच्या पुढील हजेरीदरम्यान त्याच्या आरोग्याविषयी आणि त्यांच्या आजारांबद्दल सविस्तर अहवाल सादर करण्याचे निर्देश दिले. दरम्यान सचिन वाझेचा वकील रौनक नाईक यांनी न्यायालयात अर्ज लिहिला आहे. यामध्ये त्यांनी म्हटले आहे की, वाझेला छातीत वेदनेसोबतच 90% चे दोन ब्लॉकेज आहेत. अशा परिस्थितीत त्यांना त्यांच्या कार्डियोलॉजिस्टकडे नेण्यात यावे, जेणेकरुन त्यांची मेडिकल ट्रिटमेंट सुरू होऊ शकेल. या अर्जानंतर कोर्टाने वाझेचा मेडिकल रिपोर्ट मागवला आहे.

सचिन वाझेला 5 मिनिटे भावाला भेटण्याची परवानगी दिली
येथे सचिन वाझेचा भाऊ सुधाराम यांनी एनआयएच्या विशेष न्यायालयात अर्ज करून त्यांना भेटण्याची परवानगी मागितली. सुधाराम यांनी सचिनला कपडे देण्यासाठी कोर्ट रुममध्येच 5 मिनिटे भेटीसाठी वेळ देण्याची मागणी केली होती. न्यायालयाने हे मान्य केले. यानंतर कोर्टरुममध्ये सचिन आणि सुधारम यांची 5 मिनिटे भेट झाली.

हॉटेलमधून चालवायचा वसूली रॅकेट
अँटिलिया स्फोटके आणि मनसुख हिरेन हत्या प्रकरणात राष्ट्रीय तपास संस्थेने (एनआयए) अनेक गौप्यस्फोट केले आहेत. 15 दिवसांपासून शोध सुरू असलेल्या तरुणीला पकडण्यात एनआयएला यश आले आहे. सचिन वाझे ज्या हॉटेलमधून खंडणी वसुलीचे कारस्थान रचायचा तो अड्डाही शोधण्यात आला आहे. या प्रकरणाचे धागेदोरे तिहारमध्ये कैदेतील एका अंडरवर्ल्ड म्होरक्याशी जुळत आहेत.

बातम्या आणखी आहेत...