वानखेडे प्रकरणात पोलिस आयुक्तांनाच समन्स:राष्ट्रीय अनुसूचित जाती आयोगाने मुंबईच्या पोलिस आयुक्तांना बजावला समन, 31 जानेवारीला हजर राहण्यास सांगितले

राष्ट्रीय अनुसूचित जाती आयोगाने (NCSC) मुंबई पोलिस आयुक्तांना नार्कोटिक्स कंट्रोल ब्युरोचे माजी झोनल डायरेक्टर समीर वानखेडे यांच्या छळ प्रकरणी आयोगाचे अध्यक्ष विजय सांपला यांच्यासमोर 31 जानेवारी रोजी प्रत्यक्ष हजर राहण्यास सांगितले आहे. दलित असूनही नवाब मलिक यांनी समीर वानखेडे यांना मुस्लीम धर्माचे असल्याचे सांगितले या तक्रारीची एनसीएससी चौकशी करत आहे. यामुळे त्यांच्या आणि त्यांच्या संपूर्ण कुटुंबाचा मानसिक छळ झाला आहे.

पोलिस आयुक्तांना बजावलेल्या समन्समध्ये, NCSC संचालक म्हणाले, 'अध्यक्ष विजय सांपला यांनी 31 जानेवारी रोजी सकाळी 11 वाजता लोकनायक भवन, नवी दिल्ली येथील त्यांच्या कक्षात वैयक्तिकरित्या बैठकीचे नियोजन केले आहे. त्यामुळे, तुम्हाला कारवाईचा अहवाल आणि संबंधित फाइल्स, केस डायरीसह सर्व संबंधित कागदपत्रांसह सुनावणीसाठी प्रत्यक्ष उपस्थित राहावे लागेल.'

आयोगाकडे चौकशी प्रलंबित असेपर्यंत या प्रकरणी कोणताही अंतिम निर्णय घेऊ नये, अशी शिफारस NCSCने राज्य सरकारला केली आहे. NCB झोनल डायरेक्टर समीर वानखेडे यांची DRI (Directorate of Revenue Intelligence) मध्ये बदली करण्यात आली आहे. मुंबई एनसीबीमध्ये झोनल डायरेक्टर पदावर येण्यापूर्वी समीर वानखेडे या विभागात होते. येथे असताना त्यांनी अनेक सेलिब्रिटींना वेठीस धरले होते.

त्यामुळे वानखेडे यांनी आयोगासमोर केली होती तक्रार
मंत्री नवाब मलिक यांनी केलेल्या खुलाशानंतर समीर वानखेडे यांनी आयोगाला पत्र लिहून छळाचा आरोप केला होता. वानखेडे हे मुस्लिम होते आणि त्यांनी अनुसूचित जातीचा असल्याचा दावा करून आयआरएसमध्ये नोकरी मिळवली होती, असा आरोप मंत्र्यांनी केला होता. वानखेडे यांच्या वडिलांचे नाव ज्ञानदेव नसून दाऊद असल्याचा आरोप मलिक यांनी केला होता. मात्र, वानखेडे यांनी सर्व आरोप फेटाळून लावले आहेत.