आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

व्यंगचित्राद्वारे ईडी, सीबीआयवर निशाणा:''रुक! अभी तय नही है, किसके घर जाना है...'', संजय राऊतांचा व्यंगचित्राद्वारे ईडी-सीबीआयवर निशाणा; अप्रत्यक्ष भाजपवरही टीका

मुंबई2 महिन्यांपूर्वी
  • कॉपी लिंक
  • ज्यांना व्यंगचित्र समजलेले नाही, ते अधिक सूड भावनेने वागतील - संजय राऊत

कथित मनी लाँड्रिंग प्रकरणी शिवसेनेचे आमदार प्रताप सरनाईक आणि त्यांचे मुले विहंग आणि पूर्वेश सरनाईक यांच्या घर आणि कार्यालयावर ईडीने छापे मारेल होते. या कारवाईचे भाजपकडून समर्थन तर शिवसेनेकडून भाजपवर जोरदार टीका करण्यात येत आहे. अशातच शिवसेना खासदार संजय राऊत यांनी सोशल मीडियावर एक व्यंगचित्र पोस्ट करत ईटी आणि सीबीआय या यंत्रणांवर टीका केली. तसेच अप्रत्यक्षपणे भाजपवर निशाणा साधला आहे.

व्यंगचित्राबाबत काय म्हणाले संजय राऊत?

हे व्यंगचित्र ज्यांना समजले, ते त्या भावनेने घेतील, ज्यांना ते समजलेले नाही, ते अधिक सूड भावनेने वागतील, अशी प्रतिक्रिया संजय राऊत यांनी प्रसारमाध्यमांशी बोलताना दिली.

काय आहे व्यंगचित्रात ?
संजय राऊत यांनी पोस्ट केलेल्या फोटोमध्ये दोन कुत्रे दिसत आहेत. यातील एका कुत्र्याला सीबीआय, तर दुसऱ्या कुत्र्याला ईडी असे संबोधले आहे. तसेच एक कुत्रा दुसऱ्याला ''रुक! अभी तय नही है, किसके घर जाना है…'' असे म्हणताना दाखवले आहे. विशेष म्हणजे या फोटोच्या उजव्या कोपऱ्यात महाराष्ट्र असे लिहिले आहे. संजय राऊतांच्या या फोटोवर हजारो नेटकऱ्यांनी लाईक केले आहे.

काय आहे प्रकरण?

ईडीने मंगळवारी (24नोव्हेंबर) प्रताप सरनाईक यांच्या घर, कार्यालय आणि हॉटेलसह 10 ठिकाणांवर धाड टाकली होती. मनी लाँड्रिंग प्रकरणात ही कारवाई करण्यात आल्याचे म्हटले जात आहे. दरम्यान या छापेमारीवेळी प्रताप सरनाईक देशाबाहेर होते. मात्र ईडीने धाड टाकल्याचे समजताच ते मुंबई परतले आणि तडक शिवसेना नेते संजय राऊत यांची भेट घेतली होती.

Open Divya Marathi in...
  • Divya Marathi App
  • BrowserBrowser