आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

संजय राऊतांचे जेलमध्ये 38 दिवस:पत्राचाळ घोटाळाप्रकरणी जामिनासाठी प्रयत्न सुरू; वकिलामार्फत पीएमएलए कोर्टात केला अर्ज

मुंबईएका महिन्यापूर्वी
  • कॉपी लिंक

दादर, गोरेगाव पत्राचाळ घोटाळाप्रकरणी न्यायालयीन कोठडीत असलेले शिवसेना नेते संजय राऊत यांनी मुंबई सत्र न्यायालयाच्या विशेष पीएमएलए न्यायालयात अर्ज दाखल केला आहे. यावर लवकरच सुनावणी होण्याची शक्यताही आहे. राऊत यांच्या लिगल टीमकडून ही माहिती देण्यात आली आहे.

संजय राऊत सध्या आर्थर रोड तुरूगांत आहेत. त्यांनी वकिलामार्फत ईडीच्या विशेष पीएमएलए कोर्टात जामिनासाठी अर्ज करण्यात आला आहे. राऊतांतर्फे जामिनासाठी अर्ज करण्यात आला पण, त्यावर कधी सुनावणी होते हे मात्र, स्पष्ट नसले तरी लवकरच सुनावणी होऊ शकते.

पत्राचाळ घोटाळाप्रकरणी अटकेत असलेले शिवसेनेचे नेते संजय राऊत यांना पाच सप्टेंबरला न्यायालयाकडून दिलासा मिळाला नाही. त्यांच्या न्यायालयीन कोठडीत 19 सप्टेंबरपर्यंत वाढ करण्यात आली आहे. 31 जुलै रोजी ईडीने त्यांना अटक केली होती.

संजय राऊत यांची पाच सप्टेंबरला न्यायालयीन कोठडी संपली त्यानंतर त्यांना विशेष न्यायालयात (PMLA) हजर करण्यात आले होते. त्यावेळी ईडीने पत्राचाळ घोटाळाप्रकरणी संजय राऊतांची आणखी चौकशी करायची आहे. त्यामुळे त्यांची पुन्हा न्यायालयीन कोठडी द्यावी, अशी विनंती न्यायालयाला केली. न्यायालयाने ही विनंती मान्य केली त्यामुळे ते 19 सप्टेंबरपर्यंत ते कारागृहातच राहतील.

38 दिवसांपासून तुरुंगात

पत्राचाळ घोटाळाप्रकरणी ईडीने 31 जुलै रोजी संजय राऊत यांना अटक केली होती. सुरुवातीचे 8 दिवस ते ईडी कोठडीत व त्यानंतर न्यायालयीन कोठडीत आहेत. सुरुवातीला 8 दिवसांची ईडी कोठडी, त्यानंतर 22 ऑगस्टपर्यंत न्यायालयीन कोठडी, नंतर पुन्हा 14 दिवसांची न्यायालयीन कोठडी व आजदेखील या न्यायालयीन कोठडीत 14 दिवसांची वाढ करण्यात आली. त्यामुळे जवळपास 38 दिवसांपासून संजय राऊत कोठडीत आहेत.

  • शिवसेना खासदार संजय राऊत हे 4 ऑगस्टपर्यंत ईडीच्या कोठडीत आहेत. ईडीने त्यांना या घोटाळ्याचा सक्रिय सूत्रधार म्हटले आहे.
  • या घोटाळ्यात आधीच अटक करण्यात आलेल्या प्रवीण राऊतची संजय राऊतांचे 'फ्रंटमन' म्हणून म्हटले जात आहे.

ईडीचा दावा

शिवसेना खासदार संजय राऊत यांच्या निकटवर्तीय असल्याने प्रवीण यांना महाराष्ट्र गृहनिर्माण व क्षेत्र विकास प्राधिकरणाकडून (म्हाडा) आवश्यक मान्यता मिळाली. मनी लाँड्रिंग प्रकरणात प्रवीण यांना बेकायदेशीररीत्या मिळालेल्या 112 कोटी रुपयांपैकी 1 कोटी 6 लाख रुपये थेट संजय राऊत आणि त्याच्या कुटुंबाला देण्यात आले होते. ही रक्कम जास्त असू शकते, आतापर्यंतच्या तपासात असा दावाही ईडीने केला आहे.

राऊतांच्या घरी साडेअकरा लाख सापडले

रविवारी संजय राऊत यांच्या घराची झडती घेतली असता, ईडीला 11.50 लाख रुपये रोख सापडले होते. राऊत किंवा त्यांच्या कुटुंबीयांना या रकमेचा स्रोत सांगता आला नाही. ईडीने तपासात ही वसुली नोंदवली आहे. पत्रा चाळ घोटाळा 1043 कोटी रुपयांचा आहे. राऊत हे या प्रकरणातील संशयित आरोपी आहेत.

राऊत भगवा रुमाल फिरवत बाहेर आले

महाराष्ट्रात उद्धव सरकार पडल्यानंतर बरोबर 31 दिवसांनी म्हणजेच रविवारी राऊत ईडी कार्यालयाकडे रवाना झाले, तेव्हा त्यांची कृती पाहण्यासारखी होती. राऊत घराबाहेर पडले तेव्हा ते भगवा दुपट्टा फिरवताना दिसले. ते निघाला तेव्हा लक्झरी एसयूव्हीच्या छतावरून विजयाचे चिन्ह दाखवण्यात आले. एवढेच नाही तर समर्थकांच्या घोषणांवर मुठीत रुमाल धरून दोन्ही हात हवेत फिरवत राहिले.

राऊतांची ईडीने 9 तास चौकशी

ईडीने 30 जुलैलै शिवसेना खासदार संजय राऊत यांची 9 तास चौकशी केली. ईडीचे पथक सकाळी सात वाजता भांडुप येथील त्यांच्या मैत्री बंगल्यावर पोहोचले होते. त्यानंतर 10 अधिकाऱ्यांनी राऊत आणि त्यांचे आमदार भाऊ सुनील राऊत यांच्या खोल्यांची झडती घेतली. टीमने त्याची आणि त्याच्या कुटुंबीयांचीही चौकशी केली. राऊत तपासात सहकार्य करत नसल्याचे सांगण्यात आले आहे. त्याला 27 जुलै रोजी समन्सही बजावले होते. त्यानंतर त्यांना अटक करण्यात आली. ईडीने राऊत यांचा यापुर्वी दादरमधील फ्लॅट सील केला होता. पत्रा चाळ जमीन घोटाळ्याच्या पैशातून संजय राऊत यांनी हा फ्लॅट खरेदी केल्याचा आरोप आहे. आतापर्यंत 11 कोटींची मालमत्ता जप्त करण्यात आली आहे.

एवढी केली संपत्ती जप्त

हे प्रकरण मुंबईतील गोरेगाव परिसरातील पत्राचाळशी संबंधित आहे. हा महाराष्ट्र गृहनिर्माण आणि क्षेत्र विकास प्राधिकरणाचा भूखंड आहे. सुमारे 1034 कोटींचा घोटाळा झाल्याचा आरोप आहे. या प्रकरणात संजय राऊत यांची 9 कोटी आणि राऊत यांची पत्नी वर्षा यांची 2 कोटी रुपयांची मालमत्ता जप्त करण्यात आली आहे.

काही भाग बिल्डरांना विकला

रिअल इस्टेट व्यावसायिक प्रवीण राऊत यांनी पत्रा चाळमध्ये राहणाऱ्या लोकांची फसवणूक केल्याचा आरोप आहे. एका बांधकाम कंपनीला या भूखंडावर 3000 फ्लॅट बांधण्याचे काम मिळाले. त्यापैकी ६७२ सदनिका येथे पूर्वीपासून राहणाऱ्या रहिवाशांना देण्यात येणार होत्या. उर्वरित रक्कम म्हाडा आणि त्या कंपनीला द्यायची होती, परंतु 2011 मध्ये या मोठ्या भूखंडाचा काही भाग इतर बिल्डरांना विकण्यात आला.

कसे समोर आले प्रकरण?

2020 मध्ये महाराष्ट्रात उघड झालेल्या पीएमसी बँक घोटाळ्याची चौकशी सुरू असतानाच प्रवीण राऊत यांच्या बांधकाम कंपनीचे नाव समोर आले. त्यानंतर बिल्डरच्या पत्नीच्या बँक खात्यातून संजय राऊत यांची पत्नी वर्षा राऊत यांना 55 लाख रुपयांचे कर्ज दिल्याची माहिती मिळाली. या पैशातून संजय राऊत यांनी दादरमध्ये फ्लॅट खरेदी केल्याचा आरोप आहे.

बातम्या आणखी आहेत...