शंभूराज देसाई यांची विधानसभेत माहिती‎:शीतल म्हात्रेंच्या व्हिडिओची‎ एसआयटी चौकशी करण्यात येणार

शिवसेनेच्या प्रवक्त्या शीतल म्हात्रे यांच्या‎ मॉर्फ व्हिडिओ प्रकरणाचे पडसाद‎ सोमवारी (१३ मार्च) विधानसभेत उमटले.‎ या प्रकरणाची आयपीएस‎ अधिकाऱ्यामार्फत चौकशी करण्यात येणार ‎ ‎ असल्याची घोषणा मंत्री शंभूराज देसाई‎ यांनी विधानसभेत केली. व्हिडिओ एडिट ‎ ‎ करून व्हायरल केल्याप्रकरणी ठाकरे‎ गटाच्या विनायक डावरेंसह चार जणांना‎ अटक करण्यात आल्याचेही त्यांनी‎ सांगितले. या प्रकरणाची सखोल चौकशी ‎ ‎ करून सूत्रधारालाही शोधून काढण्यात‎ येणार असल्याचे ते म्हणाले.‎ शिवसेना आमदार यामिनी जाधव यांनी‎ हा प्रश्न उपस्थित करीत चौकशीची मागणी‎ केली. जाधव यांच्या या मागणीला मनीषा‎ चौधरी यांनी पाठिंबा दर्शवत या महिलेचा‎ संसार उद्ध्वस्त होऊ शकतो. संपूर्ण‎ राज्यात काही दिवसांपूर्वी महिला दिन‎ साजरा करण्यात आला.

त्यानंतर अशा‎ ‎प्रकारची घटना समोर येणे निंदनीय‎ असल्याचे त्यांनी नमूद केले. हा व्हिडिओ‎ कुणी मॉर्फ केला हे शोधून काढून त्यावर‎ कारवाई करण्याची मागणी त्यांनी केली.‎ त्यांच्या या मागणीनंतर सत्ताधारी पक्षातील‎ जवळपास सर्वच पक्षाच्या आमदारांनी‎ सभागृहात घोषणाबाजी सुरू केली.‎ त्यामुळे विधानसभा अध्यक्षांनी १०‎ ‎ मिनिटांसाठी सभागृहाचे काम स्थगित‎ केले.‎ त्यानंतर भारती लव्हेकर यांच्यासह इतर‎ अनेक आमदारांनी याप्रश्नी कारवाई‎ करण्याची मागणी केली. विरोधी पक्षनेते‎ अजित पवार यांनीही अशा प्रकारे व्हिडिओ‎ मॉर्फ केला असेल तर त्याची चौकशी‎ झाली पाहिजे, अशी मागणी केली