सत्तासंघर्षावर पुढील सुनावणी 14 मार्चला:बहुमत चाचणीपूर्वीच ठाकरेंनी राजीनामा दिला, आमदार अपात्र ठरत नाही- अ‌ॅड. हरीश साळवे

राज्याच्या सत्तासंघर्षावरील आजची सुनावणी केवळ दोन तासांतच संपली. आज शिंदे गटाकडून अ‌ॅड. नीरज कौल यांनी आपला युक्तिवाद पूर्ण केला. त्यानंतर अ‌ॅड. हरीश साळवे यांनी बाजू मांडली. मात्र, काही कारणास्तव त्यांचा युक्तिवाद पूर्ण होऊ शकला नाही.

आता होळीनंतर 14 मार्चरोजी सुनावणी ठेवण्यात आली आहे. त्यामुळे 14 मार्चलाच शिंदे गटाचा युक्तिवाद पूर्ण होईल, अशी शक्यता आहे. त्यानंतर न्यायालय निकाल देईल. पाहुयात आजच्या सुनावणीत नेमके काय झाले?

LIVE

शिंदे गटाचे वकील नीरज कौल यांचा युक्तिवाद

हरीश साळवे यांचा युक्तिवाद

शिंदेंना पक्षांतर बंदी लागू होतो- सरन्यायाधीश

आतापर्यंतच्या सुनावणीत अ‌ॅड. कपिल सिब्बल आणि अभिषेक मनु सिंघवी यांनी ठाकरे गटाची बाजू जोरदारपणे मांडली. कपिल सिब्बल यांनी तर सलग तीन दिवस युक्तिवाद केला. काल बुधवारी शिंदे गटाकडून अ‌ॅड. नीरज कौल यांनी बाजू मांडली. यावेळी नीरज कौल यांनी बंडाच्या पहिल्या दिवशीपासून ते सत्तास्थापनेपर्यंतचा (21 जून ते 4 जुलै) सर्व घटनाक्रम तारीखनिहाय कोर्टासमोर मांडला.

उद्धव ठाकरे यांच्या सरकारने केवळ शिवसेनेच्या 39 आमदारांचाच नव्हे, तर महाविकास आघाडीच्या आमदारांचाही विश्वास गमावला होता, म्हणून अध्यक्षांच्या विश्वासदर्शक ठरावाच्या वेळी आघाडीचे 16 आमदार गैरहजर होते, असा दावाही त्यांनी केला. दरम्यान, सरन्यायाधीश धनंजय चंद्रचूड यांनी पक्षांतर बंदी कायद्याचे महत्त्व सांगताना शिवसेना सोडली नसली तरी परिशिष्ट दहाचा नियम शिंदे गटालाही लागू होतो, असे स्पष्टपणे सांगितले.

शिंदे गटाचा पक्षफुटीचा दावा नाही

बहुमत चाचणीचा राज्यपालांचा निर्णय योग्यच होता, असा दावा अ‌ॅड. नीरज कौल यांनी केला. सध्या तीन संविधानिक यंत्रणांसोबत आमच्या वाटाघाटी सुरू आहेत. आम्ही कधी पक्षफुटीचा दावा केला नव्हता. निवडणूक आयोगाने ही वस्तुस्थिती तपासून शिवसेना पक्षाचे नाव व चिन्ह आम्हाला दिले. जेव्हा बहुसंख्य आमदार सरकारवर विश्वास नसल्याचे सांगतात तेव्हा बहुमत चाचणीशिवाय कोणता पर्याय योग्य असतो, असा सवालही नीरज कौल यांनी केला.

कोर्टाने शिंदे गटाला विचारलेले सवाल

संबंधित वृत्त

कालच्या सुनावणीत नेमके काय झाले?

विधानसभा अध्यक्षांनी 39 आमदारांना अपात्र ठरवले असते, तर चित्र वेगळे असते- सरन्यायाधीश

महाराष्ट्राच्या सत्तासंघर्षावरील आजची सुनावणी संपली आहे. उद्या पुन्हा सुनावणी होणार आहे. ही सुनावणी अंतिम टप्प्यात आली असून, याच आठवड्यात सर्वोच्च न्यायालयातील युक्तिवाद आणि सुनावणी पूर्ण होणार आहे. याच आठवड्यात हे प्रकरण संपवायचे आहे, असे महत्त्वपूर्ण वक्तव्य कालच्या सुनावणीदरम्यान सरन्यायाधीश धनंजय चंद्रचूड यांनी केले आहे. वाचा सविस्तर