आपल्या शहरातील ताज्या बातम्या आणि ई-पेपर मिळवा मोफत

Install App

सुशांत आत्महत्या प्रकरण:सुशांतच्या कुटुंबाने पाठवली संजय राऊतांना नोटीस, म्हणाले - 48 तासांच्या आत माफी मागा, अन्यथा मानहानीचा दावा करणार दाखल

एका महिन्यापूर्वी
  • कॉपी लिंक
  • संजय राऊत म्हणाले होते - सुशांतच्या वडिलांनी दूसरे लग्न करायचे होते, यामुळे सुशांत नाराज होता
  • सुशांतचे वडील केके सिंह सुप्रीम कोर्टात म्हणाले - त्यांच्या कुटुंबाने सुशांताल फाशीच्या दोरीला लटकलेले पाहिले नव्हते

अभिनेता सुशांतसिंग राजपूत आत्महत्या प्रकरणात शिवसेना नेते संजय राऊत यांच्या अडचणी वाढू शकतात. सुशांतचा चुलत भाऊ आणि भाजपचे आमदार नीरज कुमार सिंह यांनी त्यांना कायदेशीर नोटीस पाठविली आहे. त्यांच्या म्हणण्यावरून त्यांनी 48 तासात माफी मागावी, अन्यथा त्यांच्यावर मानहानीचा खटला दाखल होईल, असे त्यात म्हटले आहे. राऊत म्हणाले होते की सुशांतच्या वडिलांचे पुन्हा लग्न करायचे होते, त्यामुळे सुशांत नाराज होता.

आज सुट्टी, त्यामुळे चौकशी होणार नाही

जन्माष्टमीच्या सुट्यांमुळे आज अंमलबजावणी संचालनालय (ईडी) या प्रकरणात कोणालाही प्रश्न विचारणार नाही. ईडीने सुशांतची गर्लफ्रेंड रिया चक्रवर्तीची दोन वेळा, तिचा भाऊ शोविकची तीन वेळा, वडील इंद्रजित यांची एकदा चौकशी केली आहे. याशिवाय त्याची मॅनेजर श्रुती मोदी आणि रूममेट सिद्धार्थ पिठानी यांच्यावर दोनदा चौकशी केली गेली आहे. सुशांतची बहीण मितू सिंहचा जबाबही ईडीने नोंदवले आहे.

काय म्हणाले होते संजय राऊत ?

संजय राऊतांनी रोखठोकमधून सुशांत सिंह राजपूतच्या कुटुंबाविषयी भाष्य केले होते. ते म्हणाले होते की, 'एक गोष्ट सत्य आहे की, सुशांतचे त्याच्या पाटण्यातील वडिलांशी संबंध चांगले नव्हते. मुंबई हाच त्याचा ‘आशियाना’ होता. या सर्व काळात सुशांत वडील व इतर नातेवाईकांना किती वेळा भेटला, सुशांत किती वेळ पाटण्याला गेला ते समोर येऊद्या'

0