पीक विम्याची रक्कम येत्या 15 दिवसांत शेतकऱ्यांच्या खात्यात‎:कृषिमंत्री अब्दुल सत्तार यांची विधानसभेत माहिती‎

पीक विमा कंपन्या शेतकऱ्यांना मोठ्या ‎ ‎ प्रमाणात भरपाई देत असून उर्वरित ५०३‎ कोटी रुपयांची रक्कम पुढील १५ दिवसांत ‎ ‎ शेतकऱ्यांच्या खात्यावर जमा होईल, अशी ‎ ‎ माहिती कृषिमंत्री अब्दुल सत्तार यांनी ‎ ‎ मंगळवारी (ता.१४) विधानसभेत दिली.‎ कृषी विभागांतील बदल्यांना स्थगिती ‎ ‎ नसल्याची माहितीही त्यांनी या वेळी दिली.‎ विरोधी पक्षनेते अजित पवार यांच्यासह‎ इतर आमदारांनी मांडलेल्या २९३ च्या ‎ ‎ प्रस्तावाला मंगळवारी कृषिमंत्री अब्दुल‎ सत्तार यांनी उत्तर दिले. ते म्हणाले की, पीक ‎ ‎ विम्याचे ६३ लाख ११ हजार २३५ लाभार्थी ‎ ‎ आहेत. ५० लाख, ९८ हजार ९९ शेतकऱ्यांना‎ २ कोटी ३५६ लाख भरपाई मिळाली आहे. ‎ ‎ अद्याप ५०३ कोटी रुपयांची पीक विम्याची‎ रक्कम प्रलंबित असून ती पुढील १५‎ दिवसांत जमा होईल. सरकारने पीक‎ विम्यासाठी केवळ एक रुपयांत नोंदणी‎ करण्याचा निर्णय घेतला आहे. या‎ योजनेसाठी तीन हजार ३१२ कोटी रुपयांची‎ तरतूद केली आहे. सततच्या पावसाने‎ नुकसान झालेल्या शेतकऱ्यांना दोन हजार‎ ३४२ कोटी रुपये बँक खात्यात जमा केले‎ असल्याचे त्यांनी यावेळी नमूद केले.‎ पंतप्रधान कृषि सिंचन योजनेतील दोन‎ टक्केही खर्च झाले नाही, असे म्हणणे‎ बरोबर नाही. या योजनेंतर्गत पहिल्या‎ टप्प्यात ६५ कोटी ८८ लाख रुपये म्हणजे ८०‎ टक्के पैसे खर्च झाले आहेत. १०८ कोटी‎ रुपयांचा दुसरा टप्प्यातील निधी प्राप्त झाला‎ असून ३१ मार्चपूर्वी हा निधी खर्च केला‎ जाईल. या निधीतून ५८ कोटी, ४८ लाख‎ रुपयांच्या कामांना मंजुरी देण्यात येणार‎ असल्याचे सत्तार यांनी सांगितले.‎ सत्तारांच्या भाषणावर विरोधकांचा‎ आक्षेप ‎: यावेळी सभागृहात माहिती‎ देताना कृषिमंत्री अब्दुल सत्तार यांनी‎ लिखित भाषण वाचून दाखविण्यास‎ सुरुवात केली. यावर राष्ट्रवादी काँग्रेसचे‎ जयंत पाटील यांनी आक्षेप घेतला.‎ अशाप्रकारे भाषण वाचून दाखविण्याची‎ प्रथा नसल्याचे त्यांनी यावेळी नमूद केले.‎

शेतकऱ्यांसोबत बैठक बुधवारी‎ वनजमिनीचे पट्टे नावावर करावे, यासाठी‎ नाशिकहून मुंबईच्या दिशेने निघालेल्या‎ शेतकऱ्यांच्या मागण्यांसंदर्भात मुख्यमंत्री‎ एकनाथ शिंदे यांच्या अध्यक्षतेखाली‎ मंगळवारी होणारी बैठक बुधवारी (ता.१५)‎ होणार आहे. याप्रकरणी विरोधी पक्षनेते‎ अजित पवार यांनी विधानसभेत आक्रमक‎ पवित्रा धारण करुन शेतकऱ्यांशी तातडीने‎ चर्चा करण्याची मागणी केली. भारतीय‎ किसान सभेच्या वतीने लाँग मार्च सुरु‎ करण्यात आला आहे. हजारोंच्या संख्येने‎ मुंबईच्या दिशेने निघालेल्या या मोर्चा प्रश्नी‎ पवार यांनी प्रश्न उपस्थित करीत त्याची‎ तातडीने दखल घेण्याची मागणी केली.‎

शेतकऱ्यांसोबत बैठक बुधवारी‎ वनजमिनीचे पट्टे नावावर करावे, यासाठी‎ नाशिकहून मुंबईच्या दिशेने निघालेल्या‎ शेतकऱ्यांच्या मागण्यांसंदर्भात मुख्यमंत्री‎ एकनाथ शिंदे यांच्या अध्यक्षतेखाली‎ मंगळवारी होणारी बैठक बुधवारी (ता.१५)‎ होणार आहे. याप्रकरणी विरोधी पक्षनेते‎ अजित पवार यांनी विधानसभेत आक्रमक‎ पवित्रा धारण करुन शेतकऱ्यांशी तातडीने‎ चर्चा करण्याची मागणी केली. भारतीय‎ किसान सभेच्या वतीने लाँग मार्च सुरु‎ करण्यात आला आहे. हजारोंच्या संख्येने‎ मुंबईच्या दिशेने निघालेल्या या मोर्चा प्रश्नी‎ पवार यांनी प्रश्न उपस्थित करीत त्याची‎ तातडीने दखल घेण्याची मागणी केली.‎