आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

फंडांची निधी गुंतवणूक कुठे:फंडांकडून फेब्रुवारीत टाटा मोटर्सची सर्वात जास्त शेअर खरेदी, ब्रिटानियाची विक्रीच ; फंडांची निधी गुंतवणूक कुठे निफ्टीच्या 46 टक्के शेअर्समध्ये झाली खरेदी

मुंबईएका महिन्यापूर्वी
  • कॉपी लिंक
  • एएमसी-एनएसई मिळून ३ वर्षांत करणार ५०,००० नवीन एमएफ वितरक

या वर्षी फेब्रुवारीत म्युच्युअल फंड्सने निफ्टी-५० च्या ४६ टक्के शेअर्समध्ये शुद्ध खरेदी केली. सर्वात जास्त खरेदी टाटा मोटर्सच्या शेअर्समध्ये राहिली. म्युच्युअल फंड्स कंपन्यांनी फेब्रुवारीत टाटा मोटर्समध्ये १३.३ टक्के हिस्सेदारी वाढवली आहे. हिस्सेदारीत १०.९ टक्क्यांच्या वाढीसोबत इंडसइंड बँक दुसऱ्या क्रमांकावर राहिली. या उलट म्युच्युअल फंड्सने ब्रिटानिया इंडस्ट्रीजमध्ये सर्वात जास्त १२.२ टक्के विक्री केली. ११.१ टक्के विक्रीसह हिंदाल्को या प्रकरणात दुसऱ्या क्रमांकावर राहिली. गेल्या महिन्यात म्युच्युअल फंड्सनी सरकारी बँका, धातू, तेल-गॅस आणि खासगी बँकांत सर्वात जास्त रस दाखवला. दुसरीकडे, तंत्रज्ञान, आरोग्य निगा, कंझ्युमर आणि दूरसंचार क्षेत्रात मालकी घटवली. खासगी बँकांमध्ये यांची सर्वात जास्त १८.४ टक्के होल्डिंग राहिली. यानंतर तंत्रज्ञान क्षेत्राचा क्रमांक येतो. ज्यात त्यांची होल्डिंग १०.९ टक्के राहिली. एनबीएफसी(८.९%), तेल-गॅस(७.२%) आणि कंझ्युमर(७.१%) क्षेत्र या प्रकरणात अनुक्रमे तिसऱ्या, चौथ्या आणि पाचव्या क्रमांकावर राहिले. विशेष लक्ष देणारी बाब म्हणजे, फेब्रुवारीत सर्वात मोठी कामगिरी करणाऱ्या टॉप-१० शेअर्समध्ये सर्वात जास्त ५ वित्तीय क्षेत्र राहिले. एसबीआय, आयसीआयसीआय बँक, एचडीएफसी बँक, अॅक्सिस बँक आणि बजाज फायनान्सचा समावेश आहे. दुसरीकडे, भारती एअरटेल, टीसीएस, हिंदुस्तान युनिलिव्हर आणि डॉ.रेड्डीजसारख्या शेअर्समध्ये सर्वात जास्त घसरण नोंदली आहे. म्युच्युअल फंडात खरेदी/ विक्री ट्रेड कंपनी हिस्सेदारी वाढली.

म्युच्युअल फंडात खरेदी/विक्री ट्रेंड
कंपनी हिस्सेदारी वाढवली
1. टाटा मोटर्स 13.3
2. इंडसइंड बँक 10.9
3. एनटीपीसी 3.8
4. आयशर मोटर्स 3.7
5. बजाज फिनसर्व्ह 3.3

एएमसी-एनएसई मिळून ३ वर्षांत करणार ५०,००० नवीन एमएफ वितरक
देशात आगामी तीन वर्षांत ५० हजार म्युच्युअल फंड डिस्ट्रिब्युटर्स तयार करण्यासाठी सात भारतीय संपत्ती व्यवस्थापन कंपन्यांनी(एएमसी) राष्ट्रीय शेअर बाजार(एनएसई) आणि सेंटर फॉर इन्व्हेस्टमेंट एज्युकेशन अँड लर्निंगशी(सीआयईएल) आघाडी केली आहे. याअंतर्गत मंगळवारी एक नवीन ऑनलाइन स्किलिंग प्लॅटफॉर्म “एक्सर्ट एमडीएफ’ लाँच केले आहे. या पुढाकारात समाविष्ट होणाऱ्या एएमसीत आदित्य बिर्ला सन लाइफ एमएफ, अॅक्सिस एमएफ, आयसीआयसीआय प्रुडेंशियल एमएफ, एलअँडटी एमएफ, निप्पॉन इंडिया एमएफ, एसबीआय एमएफ आणि सुंदरम एमएफचा समावेश आहे. सध्या देशात म्युच्युअल फंड डिस्ट्रिब्युशनचे अस्तित्व खूप कमी आहे. दर १७,००० संभाव्य गुंतवणूकदारांवर केवळ एक म्युच्युअल फंड डिस्ट्रिब्युटर आहे.

कंपनी हिस्सेदारी घटवली
1. ब्रिटानिया इंडस्ट्रीज 12.2
2. हिंदाल्को 11.1
3. हीरो मोटोकॉर्प 9.3
4. भारती एअरटेल 6.7
5. एचडीएफसी लाइफ 6.0

बातम्या आणखी आहेत...