आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

महत्त्वाचा निर्णय:राज्यातील अतिवृष्टीबाधितांना दिलासा, 2019 च्या दराप्रमाणे वाढीव मदत देण्याचा सरकारचा निर्णय

मुंबई2 महिन्यांपूर्वी
  • कॉपी लिंक
  • मुख्यमंत्री उद्धव ठाकरे यांनी घेतलेल्या या निर्णयामुळे अतिवृष्टीबाधितांना दिलासा मिळणार आहे.

राज्यात गेल्या काही दिवसांमध्ये अनेक जिल्ह्यांमध्ये अतिवृष्टी आण महापुराचा फटका बसला. यामध्ये अनेकांचे संसार उद्धवस्त झाले तर अनेकांच्या सर्व पिकांचे नुकसान झाले. कोकण आणि पश्चिम महाराष्ट्रात पावसाने हाहाकार माजवला होता. दरम्यान सरकारकडून नुकसान भरपाईसाठी पंचनामेही करण्यात आले होते. आता राज्यातील अतिवृष्टीबाधितांना 2019 सालच्या दराप्रमाणे वाढीव मदत देण्यात येणार आहे. मुख्यमंत्री उद्धव ठाकरे यांनी घेतलेल्या या निर्णयामुळे अतिवृष्टीबाधितांना दिलासा मिळणार आहे.

राज्यात जुलै 2021 या महिन्यात झालेल्या अतिवृष्टीने सुमारे साडेचार लाख हेक्टर क्षेत्राचे नुकसान झाले आहे. नुकसानभरपाईची रक्कम वाढवण्यासाठी राज्य शासनाने केंद्र शासनाकडे सातत्याने पाठपुरावा केला आहे. तथापी, अद्यापही केंद्र शासनाने 2015 नंतर नुकसानभरपाईच्या दरामध्ये कोणतीही वाढ केलेली नाही. त्यामुळे राज्य शासनाने केंद्राच्या दरापेक्षा जास्तीच्या दराने आपत्तीग्रस्तांना मदत करण्याचा निर्णय घेतला आहे. या निर्णयानुसार मिळणारी नुकसानभरपाईची रक्कम 2019 च्या महापूरात देण्यात आलेल्या दराप्रमाणे आहे. त्यामुळे अतिवृष्टीबाधितांना दिलासा मिळणार आहे.

बातम्या आणखी आहेत...