आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Local
  • Maharashtra
  • Mumbai
  • Unique Decision Of The Court In Mumbai: A Family Used To Give Food To Pigeons, Neighbors Faced Problems, Then The Court Banned The Grain From Going To The Balcony

मुंबईमध्ये कोर्टाचा अनोखा निर्णय:कबुतरांसाठी बाल्कनीमध्ये दाने टाकायचे कुटुंब, शेजाऱ्यांच्या तक्रारीनंतर कोर्टाने दिली स्थगिती

मुंबईएका महिन्यापूर्वी
  • कॉपी लिंक
  • 2011 साली कोर्टात खटला दाखल झाला

मुंबई दिवाणी न्यायालयाने वरळी परिसरातील एका अपार्टमेंटमध्ये राहणाऱ्या कुटूंबाला बाल्कनीत कबुतरांना दाना खायला घालण्यावर बंदी घातली आहे. सोसायटीमध्ये कबुतरांची संख्या वाढल्यानंतर शेजार्‍यांनी या संदर्भात तक्रार केली होती.

हा खटला 2009 मध्ये सुरू झाला. वरळीच्या वीनस हाउसिंग सोसायटीमध्ये राहणारे दिलीप शहाच्या वरील फ्लॅटमध्ये एक अॅनिमल अॅक्टिव्हिटिस्ट राहण्यास आला. त्याने आपल्या बाल्कनीत पक्ष्यांना बसण्यासाठी आणि खाण्यासाठी एक मेटल ट्रेच्या माध्यमातून मोठा प्लॅटफॉर्म बनवला. दिलीप शहा आणि त्यांच्या पत्नीने असा आरोप केला की यानंतर शेकडो पक्षी, कबूतर येथे येऊ लागले. सुरुवातीला, पक्ष्यांना दिलेले खाद्य आणि इतर खाद्यपदार्थ देखील वृद्ध जोडप्याच्या खाली असलेल्या फ्लॅटच्या स्लाइडिंग विंडोच्या चॅनेलवर पडत होते. तक्रारीनंतर हे पडणे बंद झाले, परंतु पक्ष्यांची संख्या आणि त्यांचा आवाज वाढतच गेला.

2011 साली कोर्टात खटला दाखल झाला
यानंतर 2011 मध्ये दिलीप शहा यांनी दिवाणी न्यायालयात जिगीशा ठाकोरे आणि पदमा ठाकोरे यांच्या विरोधात गुन्हा दाखल केला. शहा यांनी तक्रारीत म्हटले आहे की येथे येणाऱ्या पक्ष्यांची बीट व धान्य खाली पडते. यामुळे त्यांच्या बाल्कनीत दुर्गंधी येत आहे. दाने खुपच छोटे असतात, म्हणून तेथून स्वच्छ करणे देखील कठीण होते. स्लाइडिंग विंडो उघडताना आणि बंद करण्यातही समस्या येत होती.

तक्रारीनंतरही आरोपींनी लक्ष दिले नाही
वृद्ध दांपत्याचा आरोप आहे की पक्ष्यांना देण्यात येणाऱ्या धान्यात लहान कीटक असतात आणि ते त्यांच्या घरात प्रवेश करत असत. वृद्ध महिलेस आधीपासूनच त्वचेची समस्या होती, जी अशा परिस्थितीत आणखीनच वाढली. त्यांनी याबाबत ठाकोर कुटुंबियांना बर्‍याच वेळा माहिती दिली पण त्यांनी त्याकडे लक्ष दिले नाही. उलटपक्षी, त्यांनी वृद्ध जोडप्यांना पक्ष्यांना अन्न आणि पाणी देण्यासारख्या दयाळूपणास अडथळा आणू नका आणि शेजारी म्हणून धान्य खाली पडतेय ते सहन करा असे म्हटले. यानंतर दिलीप शहा यांनी कोर्टात जाण्याचा विचार केला.

'पक्ष्यांना दाने खाऊ घालणे वृद्ध दाम्पत्यांला त्रासदायक'
हे प्रकरण न्यायमूर्ती ए.एच. लड्डाड यांच्याकडे गेले आणि दोन्ही बाजूंचे युक्तिवाद ऐकल्यानंतर ते म्हणाले, 'माझ्या मते पक्ष्यांना मेटलच्या ट्रेमध्ये खायला देणाऱ्या कुटुंबियांची वागणूक या जोडप्यास त्रासदायक आहे, कारण त्यांची बाल्कनी या कुटुंबियांच्या बालक्नीच्या बरोबर खाली आहे. ' मात्र, ठाकोर कुटुंबीयांना दिलासा देत कोर्टाने सोसायटीला पक्ष्यांना खायला देऊ शकेल अशी जागा निश्चित करण्यास सांगितले आहे. यासह कोर्टाने ठाकोर कुटुंबियांना त्यांच्या बाल्कनीत पक्ष्यांना खाऊ न घालण्यास सांगितले आहे.

बातम्या आणखी आहेत...