आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

माल्याच्या प्रॉपर्टीची विक्री:विजय माल्याचे किंगफिशर हाऊस 52 कोटी रुपयांना विकले, 8 वेळा अपयशी ठरला होता मालमत्तेचा लिलाव

मुंबई3 महिन्यांपूर्वी
  • कॉपी लिंक
  • मार्च 2016 मध्ये पहिल्यांदा मालमत्तेचा लिलाव करण्याचा प्रयत्न झाला

फरार व्यावसायिक विजय माल्याचे किंगफिशर हाऊस अखेरीस विकले गेले आहे. हे हैदराबादस्थित प्रायव्हेट डेव्हलपर्स सॅटर्न रियल्टर्सने 52 कोटी रुपयांना खरेदी केले. किंगफिशर हाऊस कर्जवसुली न्यायाधिकरणाने (DRT) विकले. विक्री किंमत त्याच्या 135 कोटी रुपयांच्या राखीव किंमतीच्या एक तृतीयांश आहे.

ही प्रॉपर्टी किंगफिशर एअरलाइन्सचे मुख्य कार्यालय राहिले आहे. माल्याची विमान कंपनी आता बंद झाली आहे. एसबीआयच्या नेतृत्वाखालील बँकांकडे कंपनीचे सुमारे 10 हजार कोटी रुपये देणे आहे. मालमत्तेचे क्षेत्रफळ 1,586 चौरस मीटर आहे, तर भूखंड 2,402 चौरस मीटर आहे. कार्यालयाच्या इमारतीत बेसमेंट, एक ग्राउंड फ्लोर, एक अपर ग्राउउंड फ्लोर आणि एक अपल फ्लोर आहे.

माल्याचे तीन कंपन्यांमधील शेअर्स विकले गेले आणि 7,200 कोटी रुपये वसूल केले
याआधी, किंगफिशर एअरलाइन्सला कर्ज देणाऱ्या 10,000 कोटींपैकी 7,250 कोटी रुपये कर्जदारांनी विजय माल्याचे शेअर्स विकून वसूल केले होते. 23 जून 2021 रोजी झालेल्या या लिलावात एसबीआयच्या नेतृत्वाखालील बँकांनी युनायटेड ब्रेवरीज लिमिटेड, युनायटेड स्पिरिट्स लिमिटेड आणि मॅकडोनाल्ड होल्डिंग्स लिमिटेडमध्ये माल्याचे शेअर्स विकले होते. यामध्ये रिकव्हरी ऑफिसरने युनायटेड ब्रेवरीजचे 4.13 कोटी, युनायटेड स्पिरिट्सचे 25.02 लाख आणि ब्लॉक डीलमध्ये मॅकडोनाल्ड होल्डिंग्जचे 22 लाख शेअर्स ब्लॉक डीलमध्ये विकले होते.

मार्च 2016 मध्ये पहिल्यांदा मालमत्तेचा लिलाव करण्याचा प्रयत्न झाला
मीडिया रिपोर्ट्सनुसार, किंगफिशर हाऊस विकण्याच्या अनेक प्रयत्नांनंतरही सावकारांना खरेदीदार न सापडल्याने हे घडले आहे. यापूर्वी मालमत्तेचा लिलाव 8 वेळा अपयशी ठरला होता. कर्जदातांमध्ये सार्वजनिक क्षेत्रातील बँकांसह वित्तीय संस्थांचा समावेश करतात. किंगफिशर हाऊसचा मार्च 2016 मध्ये पहिल्यांदा लिलाव झाला. यामध्ये मालमत्तेची किंमत 150 कोटी रुपये राखीव ठेवण्यात आली होती, परंतु लिलाव अयशस्वी झाला.

किंगफिशर एअरलाइन्स 2012 पासून बंद आहे
किंगफिशर हाऊसचे लोकेशन मुंबई विमानतळाजवळ विलेपार्ले आहे. रिअल्टी तज्ज्ञांच्या मते, ही मालमत्ता सध्या मुंबई विमानतळाच्या बाहेरील भागात असल्याने ती विकसित करण्यास वाव नाही. विजय माल्याची विमान कंपनी किंगफिशर एअरलाइन्स 2012 पासून बंद आहे. माल्याला विलफुल डिफॉल्टर घोषित करण्यात आले आहे.

ब्रिटिश न्यायालयाने विजय माल्याला दिवाळखोर घोषित केले
26 जुलै रोजी यूके कोर्टाने विजय माल्याला दिवाळखोर घोषित केले. या आदेशामुळे भारतीय बँका आता माल्याची जगभरातील मालमत्ता सहज जप्त करू शकतील. भारतीय स्टेट बँकेच्या (एसबीआय) नेतृत्वाखालील भारतीय बँकांच्या संघाने माल्याविरोधात ब्रिटिश न्यायालयात याचिका दाखल केली. माल्याला लंडन उच्च न्यायालयाच्या निर्णयाविरोधात अपील करण्याची संधी नाही.

बातम्या आणखी आहेत...