आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

ममतांच्या विजयाचे संकेत:राष्ट्रवादीचे सर्वेसर्वा शरद पवारांकडून ममता बॅनर्जींना शुभेच्छा, पश्चिम बंगालमध्ये तृणमूलचा विजय जवळपास निश्चित

मुंबई5 दिवसांपूर्वी
  • कॉपी लिंक
  • तृणमूल काँग्रेस 200 पेक्षा जास्त जागांवर आघाडीवर आहे. तर भाजपला 100 चा आकडाही पार करता आलेला नाही.

पश्चिम बंगालमध्ये तृणमूल काँग्रेसला स्पष्ट बहुमत मिळताना दिसत आहे. जवळपास 200 पेक्षा जास्त जागांवर ममता बॅनर्जींचा पक्ष हा आघाडीवर आहे. यानंतर राज्यातील नेत्यांनीही त्यांच्यावर शुभेच्छांचा वर्षाव करण्यास सुरुवात केली आहे. राष्ट्रवादी काँग्रेसचे अध्यक्ष शरद पवार यांनी ममता बॅनर्जींचे अभिनंदन केले आहे. त्यांनी सोशल मीडियाच्या माध्यमातून ममता बॅनर्जींना शुभेच्छा दिल्या आहेत.

यावेळी बोलताना शरद पवार यांनी सोशल मीडियावर म्हणाले की, 'या शानदार विजयासाठी ममता बॅनर्जी यांचेअभिनंदन! जनतेच्या कल्याणासाठी यासोबतच साथरोगामुळे समोर असलेल्या आव्हानाला सामूहिकरित्या सामोरे जाण्यासाठी आपले कार्य चालू ठेवूया' असे शरद पवारांनी म्हटले आहे.

गेल्या अनेक दिवसांपासून बंगाल आणि भाजपच्या निवडणुकांनी सर्वांचे लक्ष वेधले होते. भाजपने ही निवडणूक प्रतिष्ठेची केली होती. तर ममता बॅनर्जींनीही पूर्णपणे कंबर कसून निवडणुकीची तयारी केली होती. आता यात ममता बॅनर्जींना आपला किल्ला राखता आला आहे. तृणमूल काँग्रेस पुन्हा सत्तेत येणार, असे संकेत मिळत आहेत. सध्याच्या आकेडवारीनुसार, तृणमूल काँग्रेस 200 पेक्षा जास्त जागांवर आघाडीवर आहे. तर भाजपला 100 चा आकडाही पार करता आलेला नाही.

बातम्या आणखी आहेत...