सारसचा मृत्यू:दुर्मिळ प्रेमाचे प्रतीक असलेल्या सारसचा गोंदियात विजेचा धक्का लागून मृत्यू

आमगाव तहसीलमधील घट्टेमणी येथील एका शेतात सारस पक्ष्याचा विजेच्या धक्क्याने मृत्यू झाल्याची घटना शनिवारी घडली. गोंदिया जिल्हा हा सारस पक्ष्याचे प्रतीक म्हणून ओळखला जातो. माहितीनुसार, घट्टेमणी येथील रहिवासी रिधीराम मेंढे यांच्या शेताच्या आवारात विजेच्या धक्क्याने सारस पक्ष्याचा मृत्यू झाल्याची १० डिसेंबर रोजी सायंकाळी ५ वाजता उघडकीस आले. दुर्मिळ प्रेमाचे प्रतीक असलेल्या सारसची जोडी घट्टेमणी येथील शेतशिवारात नेहमीच दिसत होती. मात्र गेल्या काही काळापासून पक्षी विजेचा शॉक, शिकार, विषारी अन्नामुळे पक्षी मरत आहेत. गेल्या ३ वर्षात आठ सारसांचा मृत्यू झाला आहे.