निर्देश:संप लांबल्यास रुग्ण सेवेसाठी‎ पर्यायी व्यवस्था तयार ठेवावी‎,  जिल्हाधिकाऱ्यांकडून आरोग्य विभागाच्या उपाययोजनांचा आढावा‎

राज्य सरकारी कर्मचाऱ्यांचा विविध‎ मागण्यांसाठी संप सुरू आहे. यात आरोग्य ‎ ‎ कर्मचाऱ्यांचादेखील समावेश आहे. या‎ संपामुळे आरोग्य व्यवस्थेवर परिणाम न होता‎ ती व्यवस्था सुरळीतपणे सुरु राहील याची‎ दक्षता घ्या. संप लांबल्यास पर्यायी व्यवस्था‎ तयार ठेवा, असे निर्देश जिल्हाधिकारी राहुल ‎ ‎ कर्डिले यांनी आरोग्य विभागास दिले. संपाच्या ‎ ‎ पार्श्वभूमीवर जिल्हाधिकाऱ्यांनी आरोग्य ‎ ‎ व्यवस्थेचा आढावा घेतला.‎ या वेळी जिल्हाधिकाऱ्यांसह जिल्हा शल्य‎ चिकित्सक डॉ. सचिन तडस, जिल्हा आरोग्य‎ अधिकारी डॉ.रा.ज.पराडकर, दत्ता मेघे‎ आयुर्विज्ञान संस्थेचे विशेष कार्यकारी‎ अधिकारी डॉ.अभ्युदय मेघे, जवाहरलाल नेहरु‎ वैद्यकीय महाविद्यालयाच्या कम्युनिटी मेडिसिन‎ विभागाचे अधिष्ठाता डॉ.अभय गायधने,‎ कस्तुरबा रुग्णालयाच्या वैद्यकीय अधीक्षक डॉ.‎ पूनम वर्मा शिवकुमार, कार्यालय अधीक्षक‎ गिरीश देव आदी उपस्थित होते.‎ जिल्हाधिकाऱ्यांनी संपाच्या पहिल्या दिवशी‎ आरोग्य यंत्रणेवर जाणवलेल्या परिणामाची‎ माहिती घेतली. संपकाळात पहिल्या‎ दिवसाप्रमाणेच उर्वरीत दिवशीही आरोग्य‎ व्यवस्था सुरळीत राहतील व रुग्णांना‎ कोणत्याही प्रकारच्या त्रासाला समोर जावे‎ लागणार नाही, याची खबरदारी सर्व शासकीय ‎ ‎ रुग्णालयांसह खाजगी रुग्णालयांनी घ्यावी,‎ अशा सूचना त्यांनी केल्या.‎ जिल्हा शल्य चिकित्सक व जिल्हा आरोग्य ‎ ‎ अधिकाऱ्यांनी पुढील कालावधीसाठी तयार ‎ ‎ केलेल्या आराखड्यावर चर्चा करण्यात‎ आली. कस्तुरबा रुग्णालय व आचार्य विनोबा‎ भावे रुग्णालयाने देखील आराखडा तयार‎ करावा. शासकीय रुग्णालयांना मनुष्यबळाची‎ ‎ ‎ ‎ ‎ ‎ ‎ ‎ ‎ ‎‎ ‎ कमतरता भासल्यास या दोनही रुग्णालयांनी‎ मनुष्यबळ उपलब्ध करुन देण्याची तयारी‎ बैठकीत दर्शविली. कस्तुरबा रुग्णालयाने‎ आपले दिव्यांग मंडळ कायमस्वरुपी पूर्ववत‎ ‎ सुरु ठेवावे अशी सूचना जिल्हाधिकाऱ्यांनी‎ केल्यानंतर मंडळ सुरु ठेवणार असल्याचे‎ कस्तुरबा रुग्णालयाच्या अधीक्षकांनी‎ सांगितले.‎ आढावा बैठकीला उपस्थित जिल्हाधिकारी कर्डिले व इतर विभागाचे अधिकारी.‎

सावंगी येथील डॉक्टर व परिचारिका सज्ज‎ जिल्हा सामान्य रुग्णालय आणि ग्रामीण आरोग्य विभागातील कर्मचाऱ्यांनी संपात सहभाग‎ नोंदवला असल्याने आरोग्य विभागात रुग्णांची परवड होऊ नये यासाठी जिल्हाधिकारी राहुल‎ कर्डीले यांनी आढावा बैठक घेतली असता ,सावंगी मेघे रुग्णालयातील डॉक्टर सज्ज‎ ठेवण्यात आले आहे. जिल्हा शल्य चिकित्सकांनी मागणी केल्यास डॉक्टर उपलब्ध करून‎ देण्यात येणार आणि सोबतच नर्सिंग विद्यार्थ्यांची मागणी केली आहे.‎ - डॉ अभ्युदय मेघे , विशेष कार्यकारी अधिकारी ,दत्ता मेघे आयुर्विज्ञान संस्था,वर्धा‎

आढावा बैठकीला उपस्थित जिल्हाधिकारी कर्डिले व इतर विभागाचे अधिकारी.‎ सावंगी येथील डॉक्टर व परिचारिका सज्ज‎ जिल्हा सामान्य रुग्णालय आणि ग्रामीण आरोग्य विभागातील कर्मचाऱ्यांनी संपात सहभाग‎ नोंदवला असल्याने आरोग्य विभागात रुग्णांची परवड होऊ नये यासाठी जिल्हाधिकारी राहुल‎ कर्डीले यांनी आढावा बैठक घेतली असता ,सावंगी मेघे रुग्णालयातील डॉक्टर सज्ज‎ ठेवण्यात आले आहे. जिल्हा शल्य चिकित्सकांनी मागणी केल्यास डॉक्टर उपलब्ध करून‎ देण्यात येणार आणि सोबतच नर्सिंग विद्यार्थ्यांची मागणी केली आहे.‎ - डॉ अभ्युदय मेघे , विशेष कार्यकारी अधिकारी ,दत्ता मेघे आयुर्विज्ञान संस्था,वर्धा‎