शोध निबंधात ‎निष्कर्ष प्रकाशित:मद्यपानासोबत व्हायग्राचे सेवन‎ केल्याने ‘त्या’ व्यक्तीचा मृत्यू‎

मद्यपानासोबत व्हायग्रा या सेक्स पॉवर वाढवणाऱ्या ‎ ‎ गोळ्यांचे सेवन केल्यामुळे नागपुरात ४१ वर्षीय‎ व्यक्तीला प्राण गमवावे लागल्याची घटना काही ‎ ‎ महिन्यांपूर्वी समोर आली होती. गुंतागुंतीच्या या मृत्यू ‎ ‎ प्रकरणाची उकल आता वैद्यकीय अभ्यासकांनी केली ‎ ‎ आहे. मद्यपानासह व्हायग्राच्या दोन गोळ्या‎ घेतल्यामुळे हा मृत्यू झाल्याचा निष्कर्ष शोध निबंधात ‎ ‎ प्रकाशित केला आहे.‎ मेंदूत रक्तस्राव झाल्यामुळे मद्यपानासोबत व्हायग्रा‎ सेवन केल्याच्या दुसऱ्या दिवशी तरुणाचा मृत्यू झाला‎ होता, असा दावा दिल्लीच्या //"एम्स''मधील सहा‎ संशोधकांनी प्रसिद्ध केलेल्या केस रिपोर्टमध्ये करण्यात‎ आला आहे. सप्टेंबर २०२२ मध्ये सादर केलेल्या‎ त्यांच्या प्रबंधात संबंधित पुरुषाला सेरेब्रोव्हॅस्क्युलर‎ हॅम्रेज झाला असल्याचे म्हटले आहे. //"जर्नल ऑफ‎ फॉरेन्सिक अँड लिगल मेडिसिन''च्या मार्च आवृत्तीत‎ हा अहवाल प्रसिद्ध झाला आहे.

संशोधकांच्या‎ अभ्यासानुसार, ४१ वर्षीय पुरुषाला कोणतीही मेडिकल‎ आणि सर्जिकल हिस्ट्री नव्हती. तो एका मैत्रिणीसोबत‎ नागपुरातील लॉजच्या खोलीत राहत होता. त्याने रात्री‎ सिल्डेनाफिल (प्रत्येकी ५० मिग्रॅ) २ गोळ्या आणि‎ ‎अल्कोहोल घेतले. दुसऱ्या दिवशी सकाळी उठल्यावर‎ त्याला अस्वस्थ वाटायला लागल्यावर मैत्रीण‎ घाबरली. त्याला उलट्याही होत होत्या. त्याच्या‎ मैत्रिणीने वैद्यकीय मदत घेण्याचा आग्रह धरला. मात्र‎ यापूर्वीही अशी लक्षणे आपण अनुभवली होती, असे‎ सांगून त्याने तिला काळजी न करण्यास सांगितले.‎ त्याची अस्वस्थता वाढल्या नंतर त्याला रुग्णालयात‎ नेण्यात आले. मात्र तिथे त्याला मृत घोषित करण्यात‎ आले. ऑटोप्सी किंवा शवविच्छेदन अहवालात‎ डॉक्टरांना उजव्या बेसल गॅंग्लियामध्ये सुमारे ३०० ग्रॅम‎ रक्त गोठलेले आढळले. सूक्ष्म तपासणीत आढळलेले‎ इतर महत्त्वपूर्ण निष्कर्ष म्हणजे त्याच्या यकृतातील‎ फॅट्समध्ये झालेला रचनात्मक बदल होता.‎

लाेकांना जागरुक करणयासाठी‎ संभाव्य प्राणघातक औषधे वैद्यकीय सल्ल्याशिवाय‎ घेण्याच्या जोखमींबद्दल लोकांना जागरूक‎ करण्यासाठी ही दुर्मिळ केस प्रकाशित केल्याचे‎ संशोधकांनी सांगितले. मृताकडे औषधाचे प्रिस्क्रिप्शन‎ नव्हते. औषधाच्या साइड इफेक्ट्समध्ये डोकेदुखी,‎ वारंवार पोट खराब होणे, रक्तदाब समस्या आणि‎ अनुनासिक रक्तसंचय यांचा समावेश होतो.‎