आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

RSS पॉझिटिव्हिटी अनलिमिटेड प्रोग्राम:भागवत म्हणाले - कोरोनाच्या पहिल्या लाटेनंतर शासन-प्रशासन सर्वच गोंधळात पडले, त्यामुळे हे संकट उद्भवले

नागपूर4 महिन्यांपूर्वी
  • कॉपी लिंक
  • भागवत म्हणाले की कोरोना महामारी हे मानवतेसमोर एक आव्हान आहे.

राष्ट्रीय स्वयंसेवक संघाचे सरसंघचालक डॉ. मोहन भागवत यांनी 'हम जीतेंगे: पॉझिटिव्हिटी अनलिमिटेड' या व्याख्यानमालेचा भाग म्हणून शनिवारी संबोधित केले. हा कार्यक्रम कोविड रिस्पॉन्स टीम दिल्ली करत आहे. 11 मे पासून सुरू असलेल्या कार्यक्रमाचा शनिवारी शेवटचा दिवस आहे.

भागवत म्हणाले की कोरोना महामारी हे मानवते समोर एक आव्हान आहे. या काळात भारताने एक उदाहरण बनले पाहिजे. गुणवत्तेवर चर्चा न करता आपल्याला टीम म्हणून काम करावे लागेल. एक टीम म्हणून काम करून आणि त्यांच्या कार्यास गती देऊन या आव्हानावर विजय मिळवू शकतो. आपल्याला संकल्प करुन या आव्हानाशी लढा द्यायचा आहे. संपूर्ण विजय मिळवण्याचा प्रयत्न करायचा आहे.

पहिली लाट आल्यानंतर आपण सर्व गोंधळात पडलो. सामान्य जनता, शासन आणि प्रशासन. डॉक्टर लोक इशारा देत होते, मात्र सर्व आत्मसंतुष्ट झाले आहे. यामुळे हे संकट उभे राहिले आहे. आता तिसऱ्या लाटेची चर्चा सुरू आहे. याला घाबरावे का. आपल्याला घाबरण्याची नाही, तर स्वतःला तयार करण्याची गरज आहे. समुद्र मंथनाच्या वेळी अमृत प्राप्ती होईपर्यंत देवता प्रयत्न करत राहिले. ते निराश झाले नाहीत. हलाहल विषालाही ते घाबरले नाही.

सर्वांनी मिळून काम करावे
भागवत म्हणाले की, आपण सर्व भेद विसरुन, गुण-दोष मागे सोडून मिळून काम करायला हवे. आपण उशीरा उठलो तरी हरकत नाही. आपण सामूहिकतेच्या बळावर आपला वेग वाढवून पुढे जाऊ शकतो. पुढे गेले पाहिजे. ते कसे करावे. पहिले स्वतःला चांगले ठेवा. यासाठी मजबूत संकल्प असणे गरजेचे आहे. दुसरी गोष्ट म्हणजे सजग राहणे गरजेचे आहे. सजग राहूनच योग्यरित्या बचाव होऊ शकतो.

प्रत्येक माहिती तपासा
भागवत म्हणाले की, शुद्ध आहार घेणे गरजेचे आहे, मात्र याची संपूर्ण माहिती असणे गरजेचे आहे. कुणी म्हणतेय म्हणून हे मान्य करावे असे नाही. नीट तपासत राहिले पाहिजे. आपला अनुभव आणि त्यामागील वैज्ञानिक तर्काची परीक्षा केली पाहिजे. आपल्याकडून कोणतीही तथ्यहिन माहिती समाजापासून जाऊ देऊ नका. जर समाजात असे काही पसरत असेल तर ती माहिती तिथेच रोखली पाहिजे.

सावधगिरी बाळगून उपचार घ्या आणि आहाराचे सेवन करा. राहणीमानावरही लक्ष ठेवा. रिकामे राहू नका. काही तरी नवीन शिका. कुटुंबासोबत गप्पा मारा. मुलांसोबत संवाध साधा.

बातम्या आणखी आहेत...