आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Local
  • Maharashtra
  • Nagpur
  • Nagpur Maharashtra Corona : Everyone Around Me Started Speaking .. We Are Also Positive .. We Are Also Positive .. Civil Societies And Administration Came Together But The Effort Is Insufficient

नागपुरात परिस्थिती नियंत्रणाबाहेर:बेडच्या शोधात रस्त्यांवर भटकत आहेत रुग्ण, सिव्हिल सोसायटी आणि प्रशासन एकत्र आले, मात्र प्रयत्न अपुरे

नागपूर (मनीषा भल्ला)9 महिन्यांपूर्वी
  • कॉपी लिंक
  • पति-पत्नी दोघेही संक्रमित, बेडच्या शोधात रुग्णालयांमध्ये भटकत राहिले

महामारीच्या वेळी निवडणुका असणाऱ्या राज्यात गर्दीचा परिणाम आता दिसत आहे. देशभरात गेल्या 24 तासात सुमारे 2 लाख नवीन रुग्णांची संख्या वाढली आहे. महाराष्ट्रात आधीच परिस्थिती वाईट आहे. गुरुवारी राज्यात 61,695 नवीन रुग्ण आढळले, तर 349 मृत्यूमुखी पडले.

महाराष्ट्रात कोरोना संक्रमणाचे म्यूटेशन सिद्ध झाले आहे. गेल्या वेळच्या तुलनेत येथे महामारीची गती खूप वाढली आहे. मुख्यमंत्री उद्धव ठाकरे यांनी पंतप्रधान नरेंद्र मोदी यांना पत्र लिहून म्हटले आहे की 30 एप्रिलपर्यंत राज्यात 11.9 लाख सक्रिय प्रकरणे येऊ शकतात. म्हणूनच, महिन्याच्या अखेरीस वैद्यकीय ऑक्सिजनची आवश्यकता दररोज 2 हजार मेट्रिक टनपर्यंत पोहोचण्याचा अंदाज आहे.

पति-पत्नी दोघेही संक्रमित, बेडच्या शोधात रुग्णालयांमध्ये भटकत राहिले
नागपुरच्या मेडिकल कॉलेजसमोर आशा ठोकर आपल्या पतीसोबत बसलेल्या होत्या. मी देखील (रिपोर्टर) त्यांच्या जवळ जाऊन बसले. त्यांना विचारले की, काय झाले? त्या म्हणाल्या, मी पॉझिटिव्ह आहे, मात्र मला अॅडमिट करुन घेत नाहीयेत. आशा आणि त्यांचे पती दोघेही संक्रमित आहेत. पती पोलिसमध्ये आहेत. तसेच ते शुगर आणि ब्लड-प्रेशरचे रुग्णही आहेत.

दोघे पति-पत्नी आजारी असतानाच शहरभर फिरत बेडचा शोध घेत आहेत. आशा रडत म्हणाल्या, 'सकाळची संध्याकाळ झाली, मात्र कोणत्याही रुग्णालयात जागा मिळत नाहीये' आशा यांचे बोलणे ऐकून हळु-हळू माझ्या आजुबाजूला बसलेले दुसरे लोकही बोलू लागले, 'आम्हीही पॉझिटिव्ह आहोत... आम्ही पॉझिटिव्ह आहोत...'सर्व लोकांना वाटले की, बेड देण्यात आम्ही त्यांची मदत करु शकतो.

पती एक आठवड्यापासून रुग्णालयात, इंजेक्शन-औषध दिले जातय नाहीये
नागपूर शहरातच राहणाऱ्या रेणुका यांचे तर रडणे थांबत नाहीये. त्या आम्हाला हाथ जोडून म्हणत आहेत की, तुम्ही माझ्या पतीला वाचवा. त्या म्हणत आहेत, 'सरकारने यांना (रुग्णालयाला) इंजेक्शन पाठवले आहेत, ते आपापल्या लोकांना इंजेक्शन देत आहेत, औषधे देत आहेत. माझे पती एक आठवड्यापासून रुग्णालयात आहेत, मात्र त्यांना एस स्लाइनही देण्यात आलेली नाही. मी जाऊन त्यांना जेवण देते, ते मरुन जातील, माझ्या पतीला वाचवा.'

रुग्णालयांमध्ये सकाळी 6 वाजेपासूनच लांब रांगा, आता 3 दिवस टेस्ट बंद
तीस लाख लोक संख्या असणाऱ्या रुग्णालयांचे शहर नागपूरच्या रस्त्यावर लोक आपापला कोरोना पॉझिटिव्ह रिपोर्ट घेऊन मृत्यू बनून फिरत आहेत. परिस्थिती नियंत्रणाबाहेर आहे. मेडिकल व्यवस्था पूर्णपणे ढासळली आहे. रुग्णालयात अॅडमिट होण्यासाठी आणि मेडिकल लॅब टेस्टसाठी सकाळी 6 वाजेपासूनच लांब रांग लागली आहे. मात्र प्रशासनाने सांगितले आहे की, तीन दिवसांपर्यंत आता टेस्ट केल्या जाणारर नाही. असे वाटत आहे की, येथे ज्यांना भेटत आहोत, तो कोरोना पॉझिटिव्ह आहे.

कोरोनाने वडिलांनी जीव गमावला, एफडी तोडून मुलगा संक्रमित आईसाठी शोधत आहे बेड बेडची स्थिती अशी आहे की, पांचपाओली पोलिस हेडक्वार्टरच्या एका बिल्डिंगमध्ये सिव्हिल सोसायटी द्वारे 78 बेडचे रुग्णालय चालवले जात आहे. येथे बेड शोधत असलेले स्वप्निल सांगतात की, मी आपल्या 2 लाख रुपयांची फिक्स डिपॉजिट (FD)तोडून रुग्णालयात आपल्या वडिलांसाठी बेड घेण्यासाठी गेलो होतो, मात्र मोहन भागवत यांना बेड मिळाला आणि आम्हाला मिळाला नाही.

बेड न मिळाल्यामुळे स्वप्निल यांच्या वडिलांचा मृत्यू झाला आणि आई घरी कोरोनाशी झुंज देत आहे. आता दोन लाख रुपये हातात घेऊन स्वप्निल आपल्या आईसाठी बेड शोधत आहेत. नवीन रुग्णालय घडण्याचे दावे करणाऱ्या नागपूरमध्ये ऑक्सीजनही नाही आणि व्हेटिंलेटरही नाही. RT-PCR टेस्ट करण्यासाठी सकाळी सहा वाजेपासून लोक रांगेत उभे आहेत. मात्र टेस्ट चार दिवसांसाठी बंद झाल्या आहेत.

परिस्थिती अशी आहे की, सिव्हिल सोसायटीचे प्रयत्नही कमी पडत आहेत
महापालिकेसह मिळून जमान-ए-इस्लामी संस्था रुग्णालयत चालवत आहे. डॉक्टर अनवर सिद्धिकी सांगतात, '78 बेडचे हे हॉस्पिटल प्रशासनासोबत मिळून पोलिस हेडक्वार्टरच्या बिल्डिंगमध्ये चालवले जात आहेत. काही स्टाफ नागपूरच्या महापालिकेचा आहे तर काही संस्थेचा आहे.' डॉ. अनवर यांच्यानुसार प्रशासनाजवळ अशा तीन-चार बिल्डिंग आहेत आणि ज्या चालवण्यासाठी आम्ही तयार आहोत.

आम्ही आतपर्यंत कोविड आयसीयूमध्ये फिरून पाहिले की, एक-एक रु्गणाला कसे उपचार दिले जात आहे. स्वच्छतेची चांगली व्यवस्था आहे. समाज आणि प्रशासनाच्या सहयोगाचे हे एक चांगले उदाहरण आहे. मात्र नागपुरची परिस्थिती अशी आहे की, एका दिवसात 7,000 पर्यंत नवीन रुग्ण समोर येत आहेत, यामुळे असे प्रयत्न कमी पडत आहेत.

सिंधु युवा फोर्सचे तरुण गेल्या एक महिन्यापासून प्लाज्मा डोनेट करत आहेत. जेणेकरुन रुग्णांना वाचवले जाऊ शकते. जितेंद्र लाल सांगतात की, रोज संस्थेकडून 10-12 लोक प्लाज्मा डोनेट करण्यासाठी येत आहेत आणि येत राहतील.

जितेंद्र लाल, सिंधु युवा फोर्स
जितेंद्र लाल, सिंधु युवा फोर्स

ऑक्सीजन सिलेंडरही सिव्हिल सोसायटीकडून दिले जात आहेत. 5 हजार रुपये सिक्योरिटी ठेवून घरा-घरात सिलेंडर दिले जात आहेत. रुग्णांकडून केवळ फिलिंग चार्ज घेतले जात आहे. त्यांना बेड मिळताच, ते सिलेंडर परत करुन रुग्णालयात अॅडमिट होतात.

आता एकट्या प्रशासनाच्या हातची गोष्ट नाही
नागपुरचे महापौर दयाशंकर तिवारी स्वतःही कोरोना पॉझिटिव्ह आहेत. ते सांगतात की, गेल्या वर्षी आम्ही 378 संस्थांसोबत मिळून काम केले होते आणि आमचा दावा आहे की, लोकांची मदत न घेता आम्ही हे काम करु शकत नाही.
तिवारी यांच्यानुसार नागपूरची परिस्थिती अशी आहे की अशा अजून संस्थांना पुढे येण्याची गरज आहे. महापालिका सलग या संस्थांना सहयोग करत आहे कारण आता एकट्या प्रशासनाच्या हातची गोष्ट नाही.

दहा बाय दहाच्या खोलीमध्ये सुरू आहेत रुग्णालय
नागपुरात प्रशासन आणि डॉक्टर कोरोनाशी लढता-लढता थकले आहेत. नागपुरमध्ये परिस्थिती गंभीर असल्याचे कारण छत्तीसगड आणि मध्यप्रदेशाच्या 400 किलोमीटर परिसरातील रुग्णही उपचारांसाठी नागपुरातच येतात.

नीति गौरवसारख्या कॉम्प्लेक्समध्ये केबिनमध्ये रुग्णालय अशा प्रकारे आहेत जसे दहा बाय दहाच्या खोलीमध्ये दुकाना सुरू असतात. एकेकाळी येथे एशियामध्ये सर्वात जास्त रुग्णालयत होते, येथील धंतौली परिसरात जिथे पहावे तिथे रुग्णालयाचा बोर्ड आहे. छत्तीसगड आणि मध्यप्रदेशातून येणारे लोक येथे टेस्ट करण्यासाठी येतात.

तीन-चार दिवसात कोरोनाचा रिपोर्ट येतो आणि तोपर्यंत ते शहरातच फिरत राहतात. जसे की येथे इस्पितळे किराणा दुकानाप्रमाणेच खुली आहेत जिथे गर्दी वाढत आहे आणि संक्रमण पसरणे सामान्य आहे.

बातम्या आणखी आहेत...