नागपूरच्या उमरेड तालुक्यात टायर कंपनीला भीषण आग:एमआयडीसी भागात धुराचे लोट, कंपनीतील सर्व टायर जळून खाक

नागपूर जिल्ह्यातील उमरेड तालुक्यात टायर कंपनीला गुरूवारी भीषण आग लागली. एमआयडीसी भागात 'आरबीसी इंडस्ट्री' असे या टायर कंपनीचे नाव आहे. जूने टायर जाळून या कंपनीत तेल काढण्यात येते. या आगीत कंपनीतील सर्व टायर जळून खाक झाले आहेत.

आगीचे नेमके कारण अजून कळू शकले नाही. मात्र, टायरमधून काढण्यात येणाऱ्या तेलामुळे आग वेगाने पसरली असल्याचा प्राथमिक अंदाज आहे. आगीची माहिती कळताच अग्नीशमनदलाच्या गाडया घटनास्थळी दाखल झाल्या. आग नियंत्रणात आणण्यासाठी प्रयत्न सुरू केले. यावेळी धूराचे लोट दिसत होते.

आगीच्या 3 घटना

नागपुरात हिंगणा तसेच बुटीबोरी एमआयडीसी आहे. तर उमरेडही मोठी इंडस्ट्री आहे. यापूर्वी 2022 मध्ये नागपूरमधील जागतिक दर्जाची सुप्रसिद्ध कॉसमॅटिक विको कंपनी भीषण आग लागली होती. हिंगणा एमआयडीसी परिसरात असलेल्या या कंपनीला रात्री 12 वाजेच्या सुमारास लागलेली आग इतकी भीषण होती की, दुपारपर्यंत आग चांगलीच धुमसत होती. आग नेमकी कोणत्या कारणे लागली हे त्या वेळीही कळू शकले नव्हते. पॅकेगिंग विभागात अल्कोहोल व वॅक्स हे पदार्थ असल्याने आग वेगाने भडकली. नागपूरच्या एमआयडीसी परिसरात मोठ्या कंपन्यांना आग लागल्याच्या तीन वेगवेगळ्या घटना यापूर्वीही घडल्या आहे

फायर ऑडिट होते का?

आगीवर फोमचाही मारा करण्यात आला होता. मात्र, अल्कोहोलमुळे त्याचा तितका प्रभाव पडला नाही व आग भडकतच राहिली. आगेमुळे तयार झालेल्या उष्णतेमुळे कंपनीची स्टोअरेज इमारत कोसळली. त्यामुळे अग्निशमन दलाच्या जवानांना आगीपर्यंत पोहचणे अवघड झाले होते. जेसीबीच्या मदतीने मलबा बाजूला केल्यानंतर आग विझवण्यात आली होती. एमआयडीसीची अग्निशमन यंत्रणा कंपन्यांचे फायर ऑडिट करत की नाही हा प्रश्न या निमित्ताने उपस्थित झाला आहे.