आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

संघाचा विजयादशमी सोहळा:चीनच्या साम्राज्यवादी स्वभावासमोर भारत ठामपणे उभा राहिला, कुणीही आमच्या मैत्रीला कमकुवतपणा समजू नये; सरसंघचालकांनी चीनला फटकारले

नागपूरएका महिन्यापूर्वी
  • कॉपी लिंक
  • संघाच्या कार्यक्रमात सरसंघचालक भागवत यांनी विरोधकांवरही निशाणा साधला

विजयादशमीच्या पार्श्वभूमीवर रविवारी संघप्रमुख मोहन भागवत यांनी नागपूर स्थित मुख्यालयात शस्त्रपूजन केले. यावेळी ते म्हणाले की, राम मंदिरावर 9 नोव्हेंबर रोजी सर्वोच्च न्यायालयाचा निर्विवाद निकाल आला. हा निर्णय एकमताने होता, संपूर्ण देशाने तो मान्य केला. हर्षोल्लासचा विषय असूनही त्याला संयमाने साजरा केले. कोरोनामुळे, यावेळी केवळ 50 लोक उपस्थित होते.

भागवत म्हणाले की, चीनच्या साम्राज्यवादी स्वभावासमोर भारत उभा राहिला ज्याने शेजारच्या देशाला बरीच आत्मविश्वास दिला. कोणत्याही देशाने आमच्या मैत्रीला कमकुवतपणा समजू नये. असा इशाराही त्यांनी दिला.

भागवत यांच्या भाषणातील महत्त्वाचे मुद्दे

कोरोनाला अतिशयोक्तिपूर्ण सांगितले, परंतु जनता सावध झाली

आपण म्हणू शकतो की संपूर्ण परिस्थितीत कोरोना साथीमुळे होणारे नुकसान भारतात कमी प्रमाणात आहे, कारण कोरोना कसा पसरतो हे समजून घेत, आपल्या सरकार आणि प्रशासनाने उपाययोजना केल्या आहेत. त्यांची अंमलबजावणी झाली पाहिजे, यासाठी तातडीने योजना आखली. त्याने कोरोनाचे अतिशयोक्तीपूर्ण वर्णन केले ज्यामुळे लोकांमध्ये भीती निर्माण झाली. परंतु याचा फायदा देखील झाला की जनता अधिक सावध झाली.

कोरोनामध्ये संपूर्ण समाज इतरांबद्दल काळजी करू लागला. जेव्हा लोक मदतीसाठी गेले, तेव्हा लोक म्हणाले की आमच्याकडे सात दिवसांचे रेशन आहे, ज्यांना गरज आहे त्यांना द्या. लोकांनी संकटात परस्पर सहकार्य दर्शविले. इंग्रजीमध्ये याला सामाजिक भांडवल म्हणतात, परंतु ते आधीपासूनच आपल्या संस्कारांमध्ये आहे. बाहेरून आल्यावर हात पाय धुणे, स्वच्छतेची काळजी घेणे ही आपली सांस्कृतिक संचय आहे, ते आता आपल्या प्रथेमध्ये आले आहे.

लोकांना गावात रोजगार द्यावे लागतील

जे लोक आपला रोजगार बंद करून आपापल्या गावी गेले होते, ते आता परतत आहेत. भविष्यात मोठ्या संख्येने लोक परत येतील. जे सध्या आपल्या गावात थांबले आहेत, त्यांनी तिथेच रोजगार शोधावा. अशात आता रोजगार उत्पन्न करावे लागतील. शिक्षकांचे वेतन बंद आहे. अनेकांना पूर्ण वेतन मिळत नाहीये. आता ते घर कसे चालवतील याची अडचण आहे. पालकांकडे मुलांची फी भरण्यासाठी पैसा नाहीये. या सर्व व्यवस्था केल्याने सेवेचे परिमाण लक्षात घेतले जातील. ही सर्व परिस्थिती आहे, परंतु त्यातून हळू हळू बाहेर येईल. यावेळी गुन्हेगारीची समस्या वाढू शकते.

कोरोनाने निसर्गाला शुद्ध केले

काही कृत्रिम गोष्टींनी आपल्या आयुष्यात प्रवेश केला होता, ज्या या काळात कमी झाल्या. अशा गोष्टींविना आपल्या जीवनावर काहीच परिणाम होणार नाही याचा अनुभव आला. आपल्या जीवनासाठी काय आवश्यक आहे आणि काय नाही हे समजले. आपल्याला हवेत ताजेपणा जाणवला. नदी-नाले स्वच्छ झाले. कोरोना काळात आपण घराच्या खिडक्या आणि बागेत अनेक प्रकारचे पक्षी पाहिले.

चीनचे मनसूबे उद्ध्वस्त केले, इतर देशही त्याच्या विरोधात आहेत

कोरोनात चीनचे संशयास्पतरित्या नाव घेतले जाते. चीनने या काळात आपल्या सीमेवर अतिक्रमण केले. त्यांचा हा साम्राज्यवादी स्वभाव आहे. हे सर्वांनाच माहीत आहे. यावेळी भारताने त्यांना जे प्रत्युत्तर दिले, त्यामुळे तो घाबरला, कारण भारत पाय रोवून उभा आहे. भारताच्या सेनेने आपल्या वीरतेचा परियच दिला आहे.

आता इतर देशही चीनला उत्तर द्यायला सुरू केले आहे. आपला स्वभाव मैत्रीचा आहे. आम्ही लढा देणारे नाहीत, परंतु आमच्या मैत्रीच्या वृत्तीला कमकुवत समजू नका. चीनला प्रथमच समजले की आपण इतके कमकुवत नाहीत.

काही लोक देशाला भटकवत आहेत

काही लोक 'भारत तेरे टुकड़े हों' म्हणताना दिसत आहेत. ते संविधान आणि समाजाचे रखवालदार सांगत समजाला उलटा पाठ शिकवत आहेत. बाबासाहेब आंबेडकरांनी ज्याला अराजकता म्हटले, अशी शिकवण देणारे हे लोक आहेत. ते त्यांच्या स्वार्थासाठी असे करतात.

कोरोनामुळे कार्यक्रमाची रुपरेखा बदलली

प्रत्येक वर्षी नागपुरात होणाऱ्या संघाच्या या कार्यक्रमात दरवर्षी एखाद्या प्रतिष्ठित व्यक्तीला प्रमुख पाहुणे म्हणून बोलावले जाते. यावेळी कोरोना साथीच्या रोगामुळे बाह्य व्यक्तीला कार्यक्रमास बोलावले नाही. तसेच यावर्षी नागपूरात जयघोष आणि पथसंचलन देखील झाले नाही.