अपघात:वर्धा नागपूर मार्गावर तीन एसटीचा विचित्र अपघात; 20 प्रवासी जखमी, सुदैवाने जिवितहानी नाही

नागपूर मार्गावरील सेलूजवळ जंगलपूर फाट्याजवळ परिवहन महामंडळाच्या एसटीचा टायर पंक्चर झाल्याने बस थांबली असता,तीन बसेस एकमेकांना भिडल्या अन् विचित्र अपघात घडला.

या अपघातात वाहन चालकासह 20 प्रवासी जखमी झाले असल्याची घटना बुधवारी सकाळच्या सुमारास घडली. नागपूर-वर्धा मार्गावर महाबळा जवळ असलेल्या जंगलापूर फाट्याजवळ परिवहन महामंडळाची नागपूर वरून वर्धेच्या दिशेने येणारी एसटी क्रमांक एम एच 40 वाय 5585 या गाडीचा टायर पंक्चर झाल्याने ती बस रस्त्याच्या कडेला उभी करण्यात आली होती.

त्या बसमधील असलेल्या प्रवाशांना दुसरी बस क्रमांक एम एच 06 एस 8090 या गाडीमध्ये बसविण्यासाठी ती एसटी सुद्धा थांबली असता, भरधाव वेगाने येणारी लालपरी क्रमांक एम एच 20 बी एल 4104 या एसटीने उभ्या असलेल्या बसेला जबर धडक दिली. या अपघातात वाहन चालकासह 20 प्रवासी जखमी झाले असल्याची घटना बुधवारी सकाळच्या सुमारास घडली.

याप्रकरणी सेलू पोलिसांना अपघाताची माहिती मिळताच, पोलिसांनी घटनास्थळी धाव घेत जखमींना रुग्णालयात उपचारासाठी दाखल केले. या विचित्र अपघातामुळे काही काळ वाहतूक ठप्प होती. यानंतर स्थानिकांच्या मदतीने विस्कळीत झालेली वाहतूक सुरळीत करण्यात आली.

समृद्धीवर एकाच दिवशी तीन‎ अपघात; सात जण जखमी‎

दुसरबीड‎ मागील काही दिवसांपासून समृद्धी महामार्गावर ‎अपघातांची मालिका सुरूच असून, ही मालिका ‎ ‎ थांबण्याचे नाव घेत नाही. दरम्यान आज‎ दुसरबीड ते मेहकर मार्गावर सलग तीन‎ अपघातांच्या घटना घडल्या आहेत. या‎ अपघातात सात जण जखमी झाले असून ‎जखमींपैकी दोघांची प्रकृती चिंताजनक आहे.‎ परंतु सुदैवाने या अपघातात कुठलीही‎ जीवितहानी झाली नाही. परंतु तिन्ही वाहनांचे ‎ अतोनात नुकसान झाले आहे.

अपघातातील‎ गंभीर व किरकोळ जखमींना मेहकर व बिबी‎ येथील ग्रामीण रुग्णालयात दाखल केले आहे.‎ एम एच 12 एचव्ही 0767 या क्रमांकाच्या कार‎ चालकाने आपले वाहन भरधाव व‎ निष्काळजीपणे चालवून समोरील ट्रकला धडक‎ दिली. ही घटना मंगळवारी सकाळी पावणे सहा‎ वाजेच्या सुमारास बिबीजवळील चॅनल क्रमांक‎ 310.3 च्या नागपूर कॉरिडॉरवर घडली. या‎ अपघातात मिलिंद लक्ष्मण शिंदे वय 45, माया‎ मिलिंद शिंदे वय 42, हे दाम्पत्य गंभीर जखमी‎ झाले आहे. तर मेघा मिलिंद शिंदे वय 25, वैभव‎ मिलिंद शिंदे वय 19 व भारत लक्ष्मण शिंदे वय 32‎ हे किरकोळ जखमी झालेत. सर्व जखमींना‎ रुग्णवाहिकेद्वारे बिबी ग्रामीण रुग्णालयात‎ उपचारार्थ दाखल केले. तर दुसऱ्या अपघातात‎ एमएच 40 सीडी 1048 या क्रमांकाचे कंटेनर‎ समोरील वाहनास धडकले.

या अपघातात‎ कंटेनरचे नुकसान झाले असून, समोरील वाहन‎ नागपूरकडे निघून गेले. कंटेनर चालक रवी नरेंद्र‎ यादव वय 32 रा. ढेमा, उत्तर प्रदेश यास कुठलीही‎ दुखापत झाली नाही. ही घटना फर्दापूर जवळ‎ सकाळी साडेनऊ वाजेच्या सुमारास चॅनल‎ क्रमांक 294 वर नागपूर कॉरिडॉरवर घडली.‎ अपघातग्रस्त कंटेनर लोडेड असल्यामुळे‎ आयसी फर्दापूर येथील क्रेनद्वारे हटवणे शक्य‎ नसल्याने खासगी क्रेन बोलावून दोन्ही क्रेनच्या‎ साहाय्याने हे अपघातग्रस्त वाहन रोडच्या बाजूला‎ करून वाहतूक सुरळीत करण्यात आली.

तर‎ तिसरी अपघाताची घटना फर्दापूर जवळ चॅनल‎ क्रमांक 265.7 वर घडली. एमएच 25 एजे 3348‎ या क्रमांकाच्या पिकअप चालकाने समोरील‎ ट्रकला जबर धडक दिली. हा अपघात दुपारी‎ दीड वाजेच्या सुमारास घडला. या अपघातात‎ रामेश्वर सुधाकर वय 35 रा. तुळजापूर व इतर‎ एक असे दोन जण जखमी झाले असून, त्यांना‎ पुढील उपचारासाठी मेहकर येथील ग्रामीण‎ रुग्णालयात उपचारार्थ दाखल केले.‎