आरोपीला शिक्षा‎:खुनाचा प्रयत्न केल्याच्या गुन्ह्यात‎ आरोपीला पाच वर्षांची शिक्षा‎

सरकार विरुध्द सागर माहुरकर‎ प्रकरणांत खुनाचा प्रयत्न केल्याच्या‎ गुन्ह्यात जिल्हा न्यायाधीश क्रमांक ११‎ गणेश देशमुख यांनी आज एका‎ आरोपीस पाच वर्षाची शिक्षा‎ ठोठावली आणि ५ हजार रुपये दंड‎ आणि दंड न भरल्यास एक वर्षाचा‎ कारावासाची शिक्षा ठोठावली. तर‎ दोघांची निर्दोष मुक्तता केली आहे.‎ सावनेर पोलीस स्टेशन अंतर्गत‎ कृष्णकुमार श्रीवास्तव यांच्यावर‎ खुनाच्या उद्देशाने जीवघेणा हल्ला‎ केल्याचा आरोप सागर माहुरकर,‎ सुनिल वाघमारे, अशोक मेश्राम या‎ आरोपींवर होता. याबाबत जखमी‎ कृष्णकुमार श्रीवास्तव यांचा पुतण्या‎ आनंद श्रीवास्तव याने पाटणसावंगी‎ पोलीस चौकीत फिर्याद दिली.‎ त्यानुसार सावनेर पोलीस स्टेशन येथे‎ कलम ३०७, ५०४, ५०६ भादवी नुसार‎ गुन्हा दाखल केला आणि साक्षीदारांचे‎ बयाण नोंदवून आरोप पत्र दाखल‎ केले. यामध्ये विद्यमान न्यायालयाने‎ जखमी कृष्णकुमार श्रीवास्तव यांचे‎ बयाण आणि झालेल्या जखमा ग्राह्य‎ धरुन आरोपी सागर माहुरकर याला‎ कलम ३०७ भादवीचा गुन्हा सिध्द‎ झाल्यामुळे पाच वर्ष शिक्षा आणि पाच‎ हजार दंड ठोठावला आणि न‎ भरल्यास एक महिन्याची साधी कैद‎ तसेच आरोपी सुनिल वागधरे आणि‎ अशोक मेश्राम यांना संशयाचा फायदा‎ देत निर्दोष सोडण्यात आले. हे प्रकरण‎ सरकारतर्फे अभय जिकार यांनी‎ हाताळले. तपास अधिकारी पोलीस‎ उपनिरिक्षक गणेश पाल आणि‎ मदतनीस पोलीस हवालदार मधुकर‎ आदमने यांनी सहकार्य केले.‎