रंगेहात‎ पकडले:बनावट फेव्हिक्विक, पिडीलाईटची विक्री‎ करणारे तीन व्यापारी पोलिसांच्या जाळ्यात‎

गोंदिया शहरात बनावटी साहित्य, वस्तू, फेव्हिक्विक‎ विक्रीचा व्यवसाय करणाऱ्या तीन व्यापाऱ्यांना रंगेहात‎ पकडून ८ हजार ८९० रुपयांचे फेव्हिक्विक जप्त केले.‎ तर याप्रकरणी पोलिसांनी एकूण चौघांवर गुन्हा दाखल‎ केला आहे.‎ यासंदर्भात सेमिता लिगल अॅडव्होकेट अॅन्ड‎ सॉलिसिटरचे टिम लिडर मो. तौकीर मो. कालेखान‎ चौधरी वय २८, रा.जे.जे.कॉलनी वजीरपूर अशोक‎ विहार, उत्तरप्रदेश दिल्ली यांनी कंपनीतर्फे न्यायिक काम‎ पाहण्याकरता प्राधिकृत केल्याचे कळवून पोलिसांच्या‎ स्थानिक गुन्हे शाखेला तक्रार नोंदवली होती. सेमिता‎ लिगल फर्म, नोएडा, दिल्ली पिडीलाईट कंपनीशी‎ टायअप असून पिडीलाईट कंपनीच्या माध्यमाने सर्व‎ लिगल वस्तू या फर्मतर्फे पाहिले जातात. पिडीलाईट‎ कंपनीच्या नावाने काही दिवसांपासून गोंदिया येथे‎ बनावटी वस्तू, तसेच साहित्य तयार करून विक्री केली‎ जात असल्याबाबत व बोगस फेव्हिक्विकच्या विक्रीमुळे‎ कंपनीचे नुकसान होत असल्याचे सांगितले होते.‎ त्याअनुषंगाने पोलिस अधीक्षक निखिल पिंगळे, अपर‎ पोलिस अधीक्षक अशोक बनकर यांनी या प्रकरणाची‎ वस्तुस्थिती जाणून घेऊन कायदेशीर कारवाई‎ करण्याबाबत स्थानिक गुन्हे शाखेला निर्देश दिले होते.‎ त्यानुसार स्थानिक गुन्हे शाखेचे पोलिस निरीक्षक दिनेश‎ लबडे यांनी पथकासह या बाबीची संपूर्ण शहानिशा‎ करून सायंकाळी बजाज ट्रेडर्सचे मालक श्याम‎ मोहनलाल बजाज, दीपक बच्चुमल लिलवानी व विवेक‎ हरिशंकर गुप्ता यांना बनावट फेव्हिक्विक विक्री करताना‎ तसेच दुकानात बाळगताना रंगेहाथ पकडून ताब्यात‎ घेतले. तसेच बजाज ट्रेडर्स दुकानातून २३९५ रुपयांचे‎ ४७९ नग फेव्हिक्विक व तसेच घरून ६४९५ रुपयांचा‎ असा एकूण ८ हजार ८९०रुपयांचा पिडीलाईट कंपनीचे‎ नावाचे बनावटी फेव्हिक्विक ट्युब माल जप्त करण्यात‎ आला. तपासादरम्यान प्रकाश खत्री रा. बिलासपूर‎ (छत्तीसगड) हा गोंदिया येथे आपल्यासह इतरांनासुध्दा‎ बनावटी माल पुरवत असल्याची माहिती तिघांनी‎ दिल्याने त्याच्याविरुद्ध कॉपीराईट अॅक्टचे उल्लंघन‎ केल्याप्रकरणी कारवाई करून गुन्हा नोंदवण्यात आला‎ आहे.‎